ე.წ. სამხრეთ ოსეთის დე ფაქტო საგარეო საქმეთა სამინისტრო, ქართველი ექიმის, ვაჟა გაფრინდაშვილის საქმეზე კომენტარს აკეთებს. თვითგამოცხადებული უწყების თქმით, ის „გვერდს ვერ აუვლის იმ ისტერიას, რომელიც ქართულ და დასავლურ პოლიტიკურ წრეებშია“ საქართველოს მოქალაქის, გაფრინდაშვილის დაუყოვნებლივ გათავისუფლებასთან დაკავშირებით.

დე-ფაქტო უწყების ცნობით, „ნებისმიერ კანონიერ სახელმწიფოში“ საზღვრის დამრღვევი პირები დამსახურებით ისჯებიან და „სამხრეთ ოსეთის რესპუბლიკაც“ არ არის გამონაკლისი.

ე.წ. სამინისტრო ამტკიცებს, რომ მსგავსი „პროვოკაციებით“, ქართველი პოლიტიკოსები ცდილობენ, პოლიტიკური რეიტინგი გაიუმჯობესონ.