სემეკ-მა გაზის სამომხმარებლო ტარიფი უცვლელად დატოვა

სემეკ-მა გაზის სამომხმარებლო ტარიფი უცვლელად დატოვა. შესაბამისი განცხადება სემეკ-ის თავმჯდომარემ, დავით ნარმანიამ სხდომის დასრულების შემდეგ ჟურნალისტებთან გააკეთა.

ნარმანიას თქმით, მომდევნო სამი წლის განმავლობაში გაზის ტარიფი არ შეიცვლება.

"სხვადასხვა პარამეტრებზე დაყრდნობით, დღეს ბუნებრივი აირის ტარიფები დავადგინეთ. დედაქალაქში ბუნებრივი აირის ტარიფი დარჩა უცვლელი. თუ ადრე ტარიფები მხოლოდ ერთი წლით დგინდებოდა, დღეს პირველად დავადგინეთ სამი წლით, ასე რომ, დედაქალაქის მოსახლეობას შეუძლია მომდევნო სამი წლის განმავლობაში იყოს მშვიდად, რადგან მომდევნო სამი წელი ტარიფების ზრდა არ მოხდება,"-აღნიშნა ნარმანიამ.

ამასთან, ნარმანიას თქმით, მოსაწოდებელი გაზის ფასთან დაკავშირებით აზერბაიჯანისა და საქართველოს მთავრობებს შორის ახლაც მიმდინარეობს მოლაპარაკებები, თუმცა ამ ეტაპზე რაიმე სახის ზრდა მოსალოდნელი არაა. რაც შეეხება რეგიონებში გაზის ტარიფს, სემეკი "სოკარისთვის" ტარიფს უახლოეს დღეებში დაადგენს.

ცნობისთვის, საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ დღეს გამართულ საჯარო სხდომაზე შპს „თბილისი ენერჯისთვის“ ბუნებრივი გაზის მიწოდების, განაწილების, გატარებისა და მოხმარების ტარიფები განხილა.

იხილეთ ვიდეო:

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს