აფხაზური მედიის ინფორმაციით, გაგრის, ოჩამჩირეს, გალის, გუდაუთისა და სოხუმის რაიონებში ხანძარია.

ოკუპირებული აფხაზეთის ე.წ. სახანძრო-სამაშველო სამსახურის სოხუმის განყოფილების უფროსის, თიმურ კვიცინიას თქმით, სოხუმის რეგიონის სამაშველო სამსახური უკვე მესამე დღეა სოფელ აკაპას მახლობლად არსებული ცეცხლის კერების ჩაქრობას ცდილობს.

„სამაშველო ჯგუფი საგანგებო რეჟიმში მუშაობს უკვე მესამე დღეა. ცეცხლის კერები მიუწვდომელ ადგილებშია. წვიმის გარეშე ჩვენ ყველას ჩაქრობას ვერ შევძლებთ. მთელს იმედებს იმაზე ვამყარებთ, რომ ამ საღამოს იწვიმებს, იქამდე კი ვაგრძელებთ მუშაობას, რომ სიტუაცია კონტროლს დაექვემდებაროს“,-განაცხადა კვიცინიამ.