„ევროპული საქართველოს” ლიდერმა დავით ბაქრაძემ გორში მცხოვრებ ბავშვებს, სოციალურად დაუცველებსა და დევნილებს დამდეგი შობა-ახალი წელი მიულოცა. ამის შესახებ „ინტერპრესნიუსს“ „ევროპული საქართველოს“ პრესსამსახურში განუცხადეს.

მათივე ცნობით, სანტამ ბავშვებთან საახალწლო წარმოდგენა გამართა. დავით ბაქრაძემ და სანტამ დევნილ ბავშვებს საჩუქრები გადასცეს. ბაქრაძემ საქართველოს ბედნიერი და წარმატების წელი უსურვა.

„ახალი წელი პირველ რიგში არის სიხარულის, იმედის, მომავლის რწმენის დღესასწაული. რაც განსაკუთრებით სჭირდებათ სწორედ ჩვენს დევნილებს, ეს არის მომავლის იმედი და რწმენაც და სიხარულიც. ამიტომ სიმბოლურად დღეს ვულოცავთ დევნილ ბავშვებს, მინდა ვუსურვო მათ მშვიდობიან და წარმატებულ ქვეყანაში ცხოვრება და მათთან ერთად თითოეულ ოჯახს საქართველოში მივულოცო დამდეგი 2020 წელი და ვუსურვო წინსვლა, სიკეთე, კეთილდღეობა და ჯანმრთელობა და ვისურვო, რომ ყველას ერთად გვეცხოვროს წარმატებულ და მშვიდობიან საქართველოში’’, - განაცხადა დავით ბაქრაძემ