ვლადიმერ პუტინი და დიმიტრი მედვედევი ოკუპირებულ ცხინვალთან ურთიერთობების გაძლიერების პირობას დებენ

ბოლო პერიოდის განმავლობაში, შესაძლებელი გახდა უამრავი პროექტის განხორციელება, რომელიც „სამხრეთ ოსეთის“ სოციალურ-ეკონომიკური მდგომარეობის განვითარებისა და მისი სახელმწიფოებრიობის გაძლიერების საშუალებას იძლევა, - სააგენტო „რესის“ ინფორმაციით, ამის შესახებ საუბარია კრემლის ლიდერის ვლადიმერ პუტინის წერილში ოკუპირებული ცხინვალის რეჟიმის მეთაურის ანატოლი ბიბილოვისადმი, რომლითაც მას დამდეგ ახალ წელსა და შობას ულოცავს.

„ვიმედოვნებ, რომ დამდეგ წელს განვაგრძობთ ერთობლივ მუშაობას ორმხრივი ურთიერთობების გასაზრდელად სხვადასხვა მიმართულებებით“, - ნათქვამია პუტინის ბიბილოვისადმი წერილში.

მისივე თქმით, "ორ ქვეყანას შორის ურთიერთობა ვითარდება მოკავშირეობისა და ინტეგრაციის პრინციპების საფუძველზე".

ასეთივე წერილი ბიბილოვის სახელზე რუსეთის პრემიერ-მინისტრმა დიმიტრი მედვედევმაც გაგზავნა, რომელშიც ის აღნიშნავს, რომ წელს შესაძლებელი გახდა რუსეთსა და ე.წ. სამხრეთ ოსეთს შორის მრავალმხრივი თანამშრომლობის გაღრმავება, მათ შორის, სავაჭრო-ეკონომიკურ და ჰუმანიტარულ დარგებში. მედვედევი იმედოვნებს, რომ „რესპუბლიკისთვის მასშტაბური დახმარება და მისი სახელმწიფო ინსტიტუტების გაძლიერება გაგრძელდება ორივე ქვეყნის ინტერესებიდან გამომდინარე“.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია