დიმიტრი მედოევი ვაჟა გაფრინდაშვილის გათავისუფლებაზე გაკეთებულ კომენტარებს ეხმაურება და აცხადებს, რომ ის „პრეზიდენტმა“ ანატოლი ბიბილოვმა გაათავისუფლა

ცხინვალის მარიონეტული რეჟიმის ე.წ. საგარეო საქმეთა მინისტრი დიმიტრი მედოევი ქართველი ექიმის ვაჟა გაფრინდაშვილის გათავისუფლების საკითხს ეხმაურება და აცხადებს, რომ ის „პრეზიდენტმა“ ანატოლი ბიბილოვმა გაათავისუფლა.

„სამწუხაროდ, ვაჟა გაფრინდაშვილის გათავისუფლების პირველსავე წუთებიდან, გვესმის მხოლოდ „გამათავისუფლებელთა არმიის“ მხრიდან შთამბეჭდავი პათოსი - პოლიტიკოსების, მემარჯვენეების, მემარცხენეების, რომლებიც ურცხვად ახდენენ საკუთარი თავის რეკლამირებას, როგორც მაშველი-მშვიდობისმყოფელებისა“, - განაცხადა მედოევმა, რომლის კომენტარსაც სააგენტო „რესი“ ავრცელებს.

მისი თქმით, „სრულიად ცხადია, რომ პოპულისტური ფონის მიუხედავად მან თავად მოაწერა ხელი თხოვნას შეწყალებაზე“ „სახელმწიფო მეთაურის“ სახელზე და სასამართლო სხდომისას ბოდიში მოიხადა გამიზნული ქმედებისთვის, „რესპუბლიკის“ ხელისუფლებას კი მადლობა გადაუხადა ჰუმანური და პატივისცემით მოქცევისთვის.

„გულწრფელად გვჯერა, რომ „გამათავისუფლებელთა გუნდი“ თანდათან გადავა ახალი წლის აღნიშვნაზე, ხოლო საქართველოს მოქალაქე, ექიმი ვაჟა გაფრინდაშვილი, რომელიც გააცნობიერებს, რომ ნებით თუ უნებლიედ გახდა პროვოკაციის იარაღი ცნობილი ძალების ხელში და არა მხოლოდ თავის ქვეყანაში - მომავალში აღარ დათანხმდება მსგავსი სახის ქმედებას. მთლიანობაში კი, მოცემულმა ვითარებამ ქართულ საზოგადოებას უჩვენა, რომ მათ გვერდით იმყოფება სრულფასოვანი სახელმწიფო, ხელისუფლების ყველა ატრიბუტით, მათ შორის, კარგად დაცული სახელმწიფო საზღვრით და რომ სამხრეთ ოსეთს არანაირი „კურატორები“ არ მართავენ. ეს კარგი მაგალითია სამომავლოდ“ - აცხადებს მედოევი.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი