ქეთევან ციხელაშვილმა სომეხთა სამოციქულო წმინდა მართლმადიდებელი ეკლესიის მრევლს შობისა და ნათლისღების დღესასწაულები მიულოცა

შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი „სურბ გევორქის“ საკათედრო ტაძარში შობისა და ნათლისღების დღესასწაულებისადმი მიძღვნილ საღმრთო ლიტურგიას დაესწრო და მრევლს დღესასწაულები მიულოცა.

ამის შესახებ „ინტერპრესნიუსს“ სახელმწიფო მინისტრის აპარატიდან აცნობეს.

ქეთევან ციხელაშვილის განცხადებით, ქვეყნის სიძლიერე თითოეული მოქალაქის სიძლიერეა. მისივე თქმით, სახელმწიფო პოლიტიკის ამოცანა ის არის, რომ თითოეულ მოქალაქეს ჰქონდეს ქვეყნის ცხოვრების ყველა სფეროში ჩართვისა და რეალიზების მაქსიმალური შესაძლებლობა.

„მთელი ქრისტიანული სამყაროსთვის, შობის დღესასწაული გამორჩეულია, დიდი სიხარულის მომტანი და მინდა ჩვენს სომეხ თანამოქალაქეებს მივულოცო ეს ბრწყინვალე დღესასწაული, რომელიც ნათლისღებასთან ერთად აღინიშნება. თითოეულ მათგანს და მათ ოჯახებს ვუსურვებ, პირველ რიგში, მშვიდობას, რადგან ეს ყველაზე მაღალი ფასეულობაა, კეთილდღეობას, განვითარებას და რა თქმა უნდა, ოჯახების სიძლიერეს, რაც მთელი ჩვენი ქვეყნის სიძლიერეა.

ამ უბანში, ამ ეზოში, აუცილებლად უნდა ვთქვა, რომ ჩვენი ქვეყნის ძალა, განვითარებისა და სტაბილურობის ძალა ჩვენი მრავალფეროვნებაა. ქვეყნის სიძლიერე თითოეული მოქალაქის სიძლიერეა. ჩვენთვის თანაბრად მნიშვნელოვანია ყველა მოქალაქე, განურჩევლად ეთნიკური თუ რელიგიური კუთვნილებისა და სახელმწიფო პოლიტიკის ამოცანა ის არის, რომ თითოეულს ჰქონდეს ქვეყნის ცხოვრების ყველა სფეროში ჩართვისა და რეალიზების მაქსიმალური შესაძლებლობა. რა თქმა უნდა, იმ ძალიან დიდ ტრადიციას, რომელიც ჩვენს ქვეყანას, ამ ქალაქს და საქართველოს თითოეულ კუთხეს მისი მრავალფეროვნებით გამოარჩევს, ვუფრთხილდებით და გავუფრთხილდებით, გვეამაყება და მომავალში ეს იქნება ჩვენი განვითარების მყარი საძირკველი და საფუძველი“, - განაცხადა ქეთევან ციხელაშვილმა.

ლევან ლორთქიფანიძე - საუბედუროდ, უნდა ვაღიაროთ, რომ საქართველომ სუვერენიტეტი დაკარგა, როგორც დღეს იტყვიან ხოლმე, საქართველო არის რუსეთის „პროქსი“ ძალა
ქართული პრესის მიმოხილვა 10.07.2025
La Gazzetta dello Sport-სა და ევრაზიის პარტნიორ კომპანია SMH Global-ს შორის შეხვედრა გაიმართა
ნათია ჯანაშია და დავით ცეცხლაძე ირაკლი გილაურის წინააღმდეგ სისხლის სამართლებრივ გამოძიებას ითხოვენ
Bybit-მა საქართველოში ოფიციალური ვებგვერდი - BybitGeorgia.ge გახსნა, რომელიც ქართველ მომხმარებლებს ლოკალიზებულ კრიპტო სერვისებსა და ჯილდოებს სთავაზობს