„ალილოს“ მსვლელობა პრეზიდენტის რეზიდენციასთან შეჩერდა. სალომე ზურაბიშვილმა მსვლელობის მონაწილეებს ტკბილეული გადასცა და შობა მიულოცა.
„გილოცავთ შობას, ვულოცავ მთლიან საქართველოს! მინდა, რომ ყველა ოჯახში იყოს, პირველ რიგში, სიმშვიდე. ამ წელიწადმა და შობამ მოგიტანოთ სწორედ სიმშვიდე, სიკეთე, ბედნიერება ყველა ოჯახში და რაც მთავარია, ჯანმრთელობა, ჯანმრთელობა ჩვენი ბავშვებისთვის. ასევე რაც ყველაზე უფრო გვაწუხებს, ქვეყნის მთლიანობა მოეტანოს. ყველას გილოცავთ და ბედნიერად იყავით“, - განაცხადა სალომე ზურაბიშვილმა.