ირანში, გენერალ ყასემ სოლეიმანის დაკრძალვა გადადეს. გადაწყვეტილება გენერლის მშობლიურ ქალაქში მომხდარი ჭყლეტის გამო მიიღეს, რომლის დროსაც გავრცელებული ინფორმაციით, 35 ადამიანი დაიღუპა და 190 დაშავდა.
ადგილობრივი მედიის ცნობით, ხელისუფლების წარმომადგენლები შიშობენ, რომ დაკრძალვის ცერემონიალის გაგრძელებამ შესაძლოა კიდევ უფრო დიდი მსხვერპლი გამოიწვიოს.
შეგახსენებთ, გენერალ ყასემ სოლეიმანის დაკრძალვის ცერემონია მის მშობლიურ ქალაქში, ქერმანში მიმდინარეობს. სოლეიმანი 3 იანვარს, ბაღდადის აეროპორტში აშშ-ის მიერ განხორციელებული ოპერაციის დროს დაიღუპა.