გაუძლებს თუ არა ქართული ლარი ირან-ამერიკის წინასაომარ წნეხს?

როდის მიიღეს ქართველმა მღვდელმთავრებმა მიტრის ტარების უფლება და რამდენი ქართული მიტრა გადაურჩა ბოლშევიკთაგან განადგურებას

***

გაუძლებს თუ არა ქართული ლარი ირან-ამერიკის წინასაომარ წნეხს?

“ამერიკა და ირანი ომის ზღვარზე არიან. ასეთ შემთხვევაში ბევრი ქვეყანა დაზარალდება, მათ შორის საქართველოც. საწვავი აუცილებლად გაძვირდება, ეკონომიკური ვითარება შეიცვლება, მაგრამ ყველაზე მთავარია რა ელის ლარს, რომელიც, როგორც იქნა, გამყარების გზას დაადგა. როგორც ფინანსისტები ირწმუნებიან, ამ მხრივ საფრთხე დიდი არ არის”, - წერს გაზეთი "რეზონანსი“ სტატიაში სათაურით, გაუძლებს თუ არა ქართული ლარი ირან-ამერიკის წინასაომარ წნეხს? / "ჩვენი ვალუტა მომავალში თუ არ გამყარდება, არც გაუფასურდება"

"მსოფლიო ბაზარზე, ნავთობსა და ოქროზე ფასმა უკვე მოიმატა, რაც ასახვას საქართველოზეც მოახდენს. “ფინექს 1970”-ის ანალიტიკოსი ნიკა შენგელია “რეზონანსთან” ამბობს, რომ ამერიკასა და ირანს შორის საომარი მოქმედებების დაწყების შემთხვევაში, საქართველოში ფასები აუცილებლად მოიმატებს. ამიტომ ახლა მნიშვნელოვანია ეროვნული ვალუტის სტაბილურობა. ამ მხრივ განსაკუთრებული საფრთხე ჯერ არ იკვეთება. კორესპონდენტის კითხვაზე, რა შედეგების მომტანი შეიძლება იყოს საქართველოსთვის, ორ ქვეყანას შორის ურთიერთობის გამწვავება? ნიკა შენგელიას თქმით, ირანსა და ამერიკას შორის არსებულმა დაძაბულმა ვითარებას უკვე გამოიღო შედეგი და ნავთობის ფასმა მოიმატა. სავარუდოდ, რაც უფრო გაღრმავდება დაძაბულობა, მით უფრო გაიზრდება ნავთობის ფასიც. გარდა ამისა, საერთაშორისო ბირჟაზე ოქროს ფასიც საკმაოდ მომატებულია. მე ველოდები, რომ ნავთობი კიდევ გაძვირდება. ეს აუცილებლად მოხდება, რადგან ლიბიაში და ერაყშიც პრობლემებია. ეს უკვე მაჩვენებელია იმისა, რომ ნავთობის ფასმა შეიძლება 80-დოლარიანი ნიშნულიც კი გადაკვეთოს. ეს უკვე ბიძგი იქნება იმისთვის, რომ იანვრის ბოლოდან საქართველოში საწვავზე და ნავთობპროდუქტზე ფასი გაიზარდოს”, - აღნიშნავს გამოცემა.

"რაც შეეხება ვალუტის კურსს. იმ შემთხვევაში თუ ამერიკა საომარ მოქმედებებს დაიწყებს, დოლარი შესუსტდება, რაც საშუალებას გვაძლევს, რომ ლარი კიდევ უფრო თამამად 2.80-იან ნიშნულამდე ჩამოვიდეს. ამ ეტაპზე, შესაძლოა, მხოლოდ ეს ცვლილებები მოხდეს. მთავარია, რომ ეროვნული ვალუტის გაუფასურება აუცილებლად შეჩერდება. თუ არ გამყარდება, არც გაუფასურდება, რადგან ამ შემთხვევაში დოლარზე ხდება ზეწოლა და ამერიკული ვალუტის დევალვაცია უფრო დაიწყება მსოფლიო სავალუტო ბირჟებზე, ვიდრე რეგიონული ვალუტების. თუ საქართველო თავს ამერიკის პარტნიორად მიიჩნევს, რა თქმა უნდა, ასე შემთხვევაში ჩვენი ქვეყენა ვალდებული იქნება შეუერთდეს იმ სანქციებს, რასაც აშშ დააწესებს. სანქციებზე მეტად სახიფათოა თუ განიხილება ვარიანტი ნატოს ჯარები შემოსვლასთან დაკავშირებით, რომლითაც ჩვენ კარგ შედეგებს არ უნდა ველოდოთ. მოგეხსენებათ, რომ სომხეთმა ნეიტრალიტეტი გამოაცხადა ომთან დაკავშირებით, მაგრამ საქართველო სავარაუდოდ, ამას ვერ იზამს, რადგან ამერიკის პარტნიორია. ვისურვებდი, რომ საქართველოში ნატოს ჯარების არ შემოვიდეს. ასეთ შემთხვევაში პირდაპირ არის საშიშროება, რომ თუკი საომარი მოქმედებები დაიწყება და აქედან მოხდება რაკეტების გასროლა, ავტომატურად საქართველო მოექცევა დარტყმის ქვეშ”, - განაგრძობს გამოცემა.

"გაზეთის კორესპონდენტის თქმით, ირანიდან საქართველოში იმპორტირებული პროდუქცია საკმაოდ მაღალია. ომის დაწყების შემთხვევაში როგორ აისახება ბაზარზე და გაგრძელდება თუ არა პროდუქტების შემოტანა?ნიკა შენგელიას თქმიოთ, თუკი სანქციები დაწესდება ირანული საქონლის იმპორტის კუთხით, რა თქმა უნდა, ასეთ შემთხვევაში საქართველოს მოუწევს ამ მოთხოვნის დაკმაყოფილება და ირანიდან გარკვეული სახის პროდუქტების შემოტანაც აიკრძალება. თუ სანქციები არ იქნება, მაშინ დაძაბული ვითარების პერიოდში უნდა ველოდოთ, ირანიდან უფრო გაიაფებული პროდუქციის შემოდინებას. როდესაც ქვეყანა საომარ მდგომარეობაშია, იქ წამოებული პროდუქცია მაქსიმალურად იაფდება. იქაური ბიზნესმენები ეცდებიან თავიანთი საქონლის რეალიზაცია სწრაფად მოახდინონ. ემიგრანტების რაოდენობა, რა თქმა უნდა, გაიზრდება, მაგრამ იმედია, განსაკუთრებული ნაკადი არ მოადგება საქართველოს. სხვათა შორის, შეძლებულ ფენას საქართველოში გადმოსვლა უკვე დაწყებული აქვს და უძრავ ქონებაზე მოთხოვნა შეინიშნება. ასეთი აქტივობა მომავალშიც გაძლიერდება”, - წერს სტატიის ავტორი.

როდის მიიღეს ქართველმა მღვდელმთავრებმა მიტრის ტარების უფლება და რამდენი ქართული მიტრა გადაურჩა ბოლშევიკთაგან განადგურებას

“მართლამდიდებელი ეკლესიის ისტორიაში ერთ-ერთი მნიშვნელოვანი ადგილი უკავია მღვდელმსახურთა სამოსელს. მათ შორის არის მიტრა, სიმბოლო ეკლის გვირგვინისა, რომელიც მაცხოვარს თავზე დაადგეს. მიტრის ტარების უფლებით თავდაპირველად სარგებლობდა მხოლოდ ალექსანდრიის პატრიარქი, 1453 წელს კონსტანტინეპოლის დაცემის შემდეგ თავსამკაულის ტარება საყოველთაო გახდა მართლმადიდებლურ ეკლესიებში და მას მხოლოდ მღვდელმთავრები ატარებდნენ”, - წერს გაზეთი "რეზონანსი“ სტატიაში სათაურით, როდის მიიღეს ქართველმა მღვდელმთავრებმა მიტრის ტარების უფლება და რამდენი ქართული მიტრა გადაურჩა ბოლშევიკთაგან განადგურებას

"საქართველოს ეკლესიაში კათალიკოს-პატრიარქის მიერ მიტრის, ანუ გვირგვინის ტარების წესი დამკვიდრდა მე-16-17 საუკუნეების მიჯნაზე. პატრიარქის მიტრები შემკული იყო პატარა ხატებით, სახარების სცენებით, ძვირფასი ქვებით. მიტრის მასალად გამოყენებული იყო ხავრედი, აბრეშუმი, ვერცხლიმკედი და სხვა ძვირფასი ქსოვილი. შალვა ამირანაშვილის სახელობის ხელოვნების სახელმწიფო მუზეუმში დღეს დაცულია 25 მიტრა, მათ შორის ყველაზე ადრეული მღვდელმთავარ მიტროფანეს თავსამკაული, რომელიც თარიღდება მე-17 საუკუნის დასაწყისით. მეტალის ფირფიტაზე გადაკრულია ოქრომკერდით მოქარგული ქსოვილი, შემკული ფეტონებით. ზემო ფეტონზე გაწყობილ ფირფიტებზე მაცხოვრის მიწიერი ცხოვრებაა გამოსახული, ქვემო ფირფიტებზე კი მისი ზეციური ყოფა”, - აღნიშნავს გამოცემა

"ფეტონებზე ასევე გამოსახულია მამა ღმერთი, სულიწმინა, სერაფიმები. მიტრის ცაზე კი შვიდი ჯვარია გამოსახული, გვერდზე მჯდომარე მახარობლებით. თავსამკაული მთლიანად ოქროგულებითა და მარგალიტებით არის დაფარული, ასევე შემკულია ძვირფასი ქვებით ფირუზებით და წითელი იაგუნდით. ჩვენამდე შემორჩენილია ასევე მიტროპოლიტ ნიკოლოზ ალავერდელის ოქროს გვირგვინი, მიტრა, რომელიც კახეთის დედოფალ ელენეს დაკვეთითაა შესრულებული ისპაჰანში, ქართველი ოსტატის პაპუნა ძებურიშივლის მიერ 1683 წელს. ეს არის ბაჯაღლო ოქროსგან მოჭედილი ოქროს მიტრა იესო ქრისტეს, წმინდანთა და ანგელოზთა გამოსახულებებით. ასევე გამოსახულია ჯვარი და შემკული ძვირფასი ქვებით”, - დასძენს გამოცემა.

"მიტრას ასევე ამშვენებს საქტიტრო წარწერა, რომელიც მიანიშნებს, რომ გვირგვინი დამზადებულია ალავერდის საკათედრო ტაძრისთვის. ეს უნიკალური მიტრა 1904 წლის მონაცემებით დაცული იყო თბილისის სიონის განძსაცავში. აღსანიშნავია ისიც, რომ თბილისის სიონის ტაძრის განძთსაცავში დაცული იყო 6 მიტრა, რომელიც 1921 წელს ბოლშევიკებმა განადგურეს, გადარჩა მხოლოდ ერთი და სწორედ ამ ისტორიული მიტრით აღავლინა საქართველოს პატრიარქმა ილია მეორემ 2020 წლის საშობაო ლიტურგია”, - წერს სტატიის ავტორი.