რაულ ხაჯიმბა აფხაზეთში საგანგებო მდგომარეობის გამოცხადებას არ გამორიცხავს

ოკუპირებულ აფხაზეთში დღეს განვითარებული მოვლენების გათვალისწინებით, დე ფაქტო პრეზიდენტმა რაულ ხაჯიმბამ ე.წ. უშიშროების საბჭო მოიწვია. მასში ხაჯიმბას გარდა, დე ფაქტო პარლამენტის სპიკერიც მონაწილეობს.

დე ფაქტო პრეზიდენტმა, აუცილებლობის შემთხვევაში, აფხაზეთის ტერიტორიაზე საგანგებო მდგომარეობის გამოცხადება არ გამორიცხა. ამის შესახებ სააგენტო „ტასი“ იუწყება.

ე.წ. უშიშროების საბჭოს დასრულების შემდეგ, ის ოფიციალური განცხადების გაკეთებას გეგმავს, რა დროსაც სოხუმში განვითარებულ მოვლენებს შეაფასებს.

შეგახსენებთ,რომ სოხუმში მომიტინგეები დე ფაქტო პრეზიდენტის ადმინისტრაციის შენობაში შეიჭრნენ. მათ ფანჯრის მინები ჩაამსხვრიეს და შენობის შიგნით შეღწევა მოახერხეს. ოპოზიცია და მისი მხარდამჭერები ე.წ. საპრეზიდენტო არჩევნების შედეგების ბათილად გამოცხადებასა და რაულ ხაჯიმბას გადადგომას ითხოვენ.

აფხაზეთში ე.წ. საპრეზიდენტო არჩევნების მეორე ტური გასული წლის 8 სექტემბერს გაიმართა, სადაც დე ფაქტო საარჩევნო კომისიის მონაცემებით, ამჟამინდელმა დე ფაქტო პრეზიდენტმა, რაულ ხაჯიმბამ 47.39%-ით გაიმარჯვა, მოსახლეობის 46,17%-მა კი ხმა ალხას კვიცინიას მისცა. „ამცახარა“ „არჩევნების“ შედეგებს არ აღიარებს და მის გაბათილებას ითხოვს.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 28.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
შეუდარებელი QLED 8K ტელევიზორი სამსუნგისგან
Jeep-ის ცენტრში დიდი ფასდაკლების აქცია დაიწყო