თბილისის საქალაქო სასამართლოში 20 ივნისის აქციის საქმეზე დაკავებული თავდაცვის ყოფილი მინისტის, ირაკლი ოქრუაშვილის ბრალდების საქმეზე პროცესი მიმდინარეობს. დღევანდელი პროცესიც ბრალდების მხარის 2 მოწმის გამოკითხვით გრძელდება.
ამ წუთებში სხდომაზე იკითხება ვასილ თედიაშვილი, რომელიც პოლიციელია.
როგორც სხდომის დაწყებამდე ოქრუაშვილის ადვოკატმა მამუკა ჭაბაშვილმა ჟურნალისტებს განუცხადა, ოქრუაშვილი დღევანდელ პროცესსაც არ დაესწრება, ვინაიდან ის სასამართლო სხდომებზე მისვლის აზრს ვერ ხედავს.
"ჩვეულებრივ გრძელდება პროცესი და ვუსმენთ მომწეებს, რომლებიც არცკი იცნობენ ირაკლი ოქრუაშვილს და არც არანაირი შეხება ჰქონიათ მასთან. ასე, მონოტონურად გრძელდება ჩვენი სასამართლო სხდომა. უკვე დაახლოებით 20 პროცესი ჩატარდა, ასევე დაახლოებით 20-მდე მოწმეს მოვუსმინეთ, რომელსაც არანარი შემხებლობა არ აქვს ირაკლი ოქრუაშვილთან. შესაბამისად, გვარებს, თუ ვის მოიყვანენ და ვინ იქნება დღეს, ფაქტობრივად, ჩვენთვის არ აქვს მნიშვნელობა, ბრალდების მხარისთვის არც გვიკითხავს.
არ არის პროცესებზე ირაკლი ოქრუაშვილი იმიტომ, რომ აქ სიარულის აზრს ვერ ხედავს“, - განაცხადა მამუკა ჭაბაშვილმა.