„ლელო საქართველოსთვის“ აფხაზეთში მიმდინარე მოვლენებთან დაკავშირებით განცხადებას ავრცელებს

პოლიტიკური გაერთიანება „ლელო საქართველოსთვის“ აფხაზეთის ავტონომიურ რესპუბლიკაში მიმდინარე მოვლენებთან დაკავშირებით განცხადებას ავრცელებს.

როგორც განცხადებაში აღნიშნული, აფხაზური კრიზისი ხელახლა გვახსენებს, რომ აფხაზეთის მოსახლეობას არ გააჩნია მომავალი რუსეთის ფედერაციასთან პარტნიორობის პირობებში.

„დღეს განსაკუთრებით გვადარდებს გალის მცხოვრებთა ბედი, რომლებიც რუსული რეჟიმის მხრიდან მუდმივი წნეხისა და ეთნოციდის მსხვერპლნი არიან.

რუსეთის ბატონობის წლებში აფხაზებმა დაკარგეს გავლენა თავიანთი კუთხის პოლიტიკურ და ეკონომიკურ ცხოვრებაზე. დღეს აფხაზეთში გამეფებულია კორუფცია, ჩამოშლილი საჯარო მმართველობა, განუვითარებელი ეკონომიკა და მძიმე სოციალური კრიზისი.

"ლელო საქართველოსთვის" გმობს ნურგალიევისა და სხვა რუსი პოლიტიკოსების ვიზიტებს აფხაზეთში“.

ჩვენ გვწამს, რომ ქართველებმა და აფხაზებმა ერთად უნდა შევძლოთ ომის ტრავმების გადალახვა და ერთიან ქართულ სახელმწიფოში მშვიდობიანად თანაცხოვრება. ჩვენ ღრმად ვართ დარწმუნებული, რომ აფხაზეთის დემოკრატიული მომავალი და სწრაფი სოციო-ეკონომიკური განვითარება მხოლოდ ერთიანი თვითმმართველი საქართველოს წიაღშია შესაძლებელი.

ჩვენ განვაგრძობთ ბრძოლას ანაკლიის ღრმაწყლოვანი პორტის ასაშენებლად, რომელიც იქნება ქართველთა და აფხაზთა დამაკავშირებელი ახალი ეპოქის ხიდი“, - ნათქვამია განცხადებაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 24.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი