ოკუპირებული აფხაზეთის ე.წ. სპეცსამსახურები ამოწმებენ ინფორმაციას სოხუმის საპროტესტო აქციაში უცხო ქვეყნის მოქალაქეთა მონაწილეობის შესახებ. სააგენტო „ტასს“ აფხაზეთის ე.წ. უშიშროების საბჭოს მდივანმა მუჰამედ კილბამ განუცხადა, რომ არ არის გამორიცხული, მათ შორის, უკრაინის მოქალაქეებიც იყვნენ.
მისივე თქმით, არ შეიძლება სხვა ქვეყნის მოქალაქეების მონაწილეობის გამორიცხვაც, „მათ შორის, საქართველოს მხრიდანაც“.
სოხუმში პოლიტიკური კრიზისი 9 იანვარს დაიწყო. ოპოზიცია დე ფაქტო პრეზიდენტის რაულ ხაჯიმბას გადადგომას ითხოვს.