ე.წ. უზენაესი სასამართლო არჩევნების შედეგებთან დაკავშირებულ სარჩელზე გადაწყვეტილებას მოსკოვის დროით, 21:00 საათზე გამოაცხადებს
ოკუპირებული აფხაზეთის ე.წ. უზენაეს სასამართლოში მოსმენა დასრულდა, რომელმაც „პრეზიდენტობის კანდიდატის“ ალხას კვიწინიას საჩივარი განიხილა. კვიწინია აფხაზეთის „საპრეზიდენტო“ არჩევნების შედეგების დამტკიცებას აპროტესტებს.
სამსაათიანი განხილვის შემდეგ, მოსამართლეები გადაწყვეტილების გამოსატანად გავიდნენ, რომლის გამოცხადებაც, მოსკოვის დროით, 21:00 საათზე იგეგმება.
ცნობისთვის, ამ წუთებში რაულ ხაჯიმბა თავის მომხრეებს ხვდება.
