ცხინვალის დე ფაქტო პარლამენტის ე.წ. დეპუტატი - აფხაზებს საქართველოსთან საკუთარი საკითხები აქვთ გასარკვევი - ყველაფერი საქართველოს პოზიციაზეა დამოკიდებული

აფხაზებს საქართველოსთან საკუთარი საკითხები აქვთ გასარკვევი, - ამის შესახებ ცხინვალის დე ფაქტო პარლამენტის ე.წ. დეპუტატმა, ამირან დიაკონოვმა ოკუპირებული აფხაზეთის ოპოზიციის ლიდერის, ასლან ბჟანიას განცხადებების კომენტირებისას გააკეთა.

„აფხაზეთი თავად გადაწყვეტს საკუთარ ბედს, მათ შორის საქართველოსთან მომავალი ურთიერთობების შესახებ. ისტორიული ასპექტების გათვალისწინებით იქ სიტუაცია განსხვავებულია, ვიდრე სამხრეთ ოსეთში. მათ საქართველოსთან საკუთარი საკითხები აქვთ გასარკვევი, მათ შორის ისინი, რომელიც ეხება აფხაზეთში ქართველების ძალით ჩასახლებასა და სხვა ისტორიულ თუ სამართლებრივ ასპექტებს“,-განაცხადა დიაკონოვმა.

მისივე თქმით, ადრე თუ გვიან ურთიერთობები „საქართველოსა და სამხრეთ ოსეთს შორის“ დალაგდება.

„სხვა საკითხია თუ რა პირობებში შეიძლება ჩვენს ქვეყნებს შორის ამ ურთიერთობების აღდგენა. დააღწევს საქართველო თავს ფაშიზმს? აღიარებს ჩვენს დამოუკიდებლობას? აღიარებს 20-იანი წლების გენოციდს? აღიარებს 90-იან შემდეგ 2000-იან წლებში განხორციელებულ აგრესიას? გაათავისუფლებს საქართველო სამხრეთ ოსეთს თავისი სამხედრო მოსამსახურეებისგან, რომლებიც სამხედრო-პოლიტიკურ დესტაბილიზაციას ქმნიან რეგიონში? ყველაფერი საქართველოს პოზიციაზეა დამოკიდებული“,- განაცხადა ე.წ. დეპუტატმა.

შეგახსენებთ, ოკუპირებული აფხაზეთის ოპოზიციის ლიდერმა, ასლამ ბჟანიამ „ინტერპრესნიუსთან“ ინტერვიუში განაცხადა, რომ თბილისსა და სოხუმს შორის „დიალოგი უნდა იყოს, როგორ ფორმატში, რა ფორმით, მნიშვნელობა არ აქვს“.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)