პანამაში სექტანტებმა რელიგიური რიტუალის დროს 7 ადამიანი მოკლეს

პანამაში, ბოკას-დელ-ტოროს პროვინციაში, ერთ-ერთი რელიგიური სექტის წევრებმა ეგზორციზმის შესრულებისას შვიდი ადამიანი მოკლეს, - ამის შესახებ ინფორმაციას „როიტერსი“ ადგილობრივ ხელისუფლებაზე დაყრდნობით ავრცელებს.

სააგენტოს ცნობით, გარდაცვლილები არიან ფეხმძიმე ქალი, მისი ხუთი შვილი და მეზობლად მცხოვრები ბავშვი.

ბოკას-დელ-ტოროს პროვინციის მთავარი პროკურორის რაფაელ ბალოიესის თქმით, პოლიციამ ცხედრებს მას შემდეგ მიაკვლია, რაც ადგილობრივმა მოსახლეობამ მათ შეატყობინა, რომ ერთ-ერთ "სალოცავში", სადაც ეგზორციზმის რიტუალი ტარდებოდა, რამდენიმე ადამიანი მათი სურვილის წინააღმდეგ ჰყავდათ გამოკეტილი.

"სალოცავიდან" გათავისუფლებულ ადამიანებს სხეულზე სხვადასხვა სახის დაზიანება აღენიშნებათ.

გავრცელებული ინფორმაციით, სამართალდამცავებმა მკვლელობაში მონაწილეობის ბრალდებით 10 ეჭვმიტანილი დააკავეს. მიმდინარეობს გამოძიება.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს