ლევან გოგიჩაიშვილი - შოთაძე თავისით არ გადამდგარა, ეს იყო უმრავლესობის გზავნილი ივანიშვილის მიმართ - ის ადამიანები, რომლებიც დღეს ერთმანეთს ასწრებენ მის ქებას, მაშინ მომხრე იყვნენ, რომ გადამდგარიყო

შოთაძის დაბრუნება შედის როგორც ივანიშვილის, ასევე უჩა მამაცაშვილის ინტერესში, ისინი ცდილობენ შოთაძე, როგორც კარგი შემსრულებელი, დააბრუნონ, - ასე შეაფასა პარლამენტის დამოუკიდებელმა დეპუტატმა ლევან გოგიჩაიშვილმა ყოფილი გენპროკურორის ირაკლი შოთაძის ისევ გენერალური პროკურორობის კანდიდატად წარდგენა.

გოგიჩაიშვილის თქმით, შოთაძის გადადგომა საპარლამენტო უმრავლესობის მოთხოვნა იყო, რადგან იმდროინდელი უმრავლესობა თვლიდა, რომ შოთაძე არ ასრულებდა თავის ვალდებულებებს.

„მე მახსოვს ის დღე, როდესაც ჩვენ ვიყავით ქუთაისში, სადაც უმრავლესობის შეხვედრა ჩატარდა პარლამენტის თავმჯდომარის კაბინეტში. დღეს ეს ადამიანები, რომლებიც ერთმანეთს ასწრებენ შოთაძის ქებას, მაშინ იყვნენ იმის მომხრე, რომ ის გადამდგარიყო.

შოთაძე თავისით კი არ გადამდგარა, ეს იყო საპარლამენტო უმრავლესობის გზავნილი ბიძინა ივანიშვილის მიმართ, რომ შოთაძე უნდა გადამდგარიყო. ამას მხარს უჭერდა: თალკვაძე, მდინარაძე, ვოლსკი და მეც მათ შორის. უმრავლესობის აღქმაში შოთაძე იყო პროკურორი, რომელიც არ ასრულებდა თავის ვალდებულებას“, - განაცხადა ლევან გოგიჩაიშვილმა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)