მამუკა ხაზარაძის, ბადრი ჯაფარიძის და ავთანდილ წერეთლის საქმის პროკურორის განცხადებით, დღეს დაკითხულმა მოწმეებმა ბრალდების მხარისთვის სასარგებლო ჩვენებები მისცეს

მამუკა ხაზარაძის, ბადრი ჯაფარიძის და ავთანდილ წერეთლის საქმის პროკურორის, გიორგი მიქავას განცხადებით, დღეს სასამართლოში დაკითხულმა მოწმეებმა ბრალდების მხარისთვის სასარგებლო ჩვენებები მისცეს. აღნიშნულის შესახებ მიქავამ სასამართლო პროცესის დასრულების შემდეგ ჟურნალისტებს განუცხადა.

„მათ დაადასტურეს ის ფაქტი, რომ 2008 წელს, როცა სესხი გასცეს „სამგორი ემსა“ და „სამგორი თრეიდზე“, მათ არ ჰქონდათ ინფორმაცია, რომ აღნიშნული სესხი რეალურად განკუთვნილი იყო ბადრი ჯაფარიძისთვის და მამუკა ხაზარაძისთვის, რომელიც საქმეში არსებული მასალებით უდავოდ დასტურდება. იმ შემთხვევაში, რომ ჰქონოდათ ეს ინფორმაცია, განსხვავებული რეჟიმი იმოქმედებდა და იქიდან გამომდინარე, რომ ეს პირები ინსაიდერები იყვნენ, სესხის გაცემის პროცედურა განსხვავებული უნდა ყოფილიყო. აღნიშნული ინფორმაცია მნიშვნელოვანია იმდენად, რამდენადაც ბრალდების მხარე ადასტურებს იმას, რომ ისინი ავთანდილ წერეთლის მეშვეობით „თიბისი ბანკისგან“ მოტყუებით დაეუფლნენ თანხას. რაც შეეხება მოწმე დავით ჭუბაბრიას, რომელმაც დღეს სასამართლოში ჩვენება მისცა, მანაც ასევე მნიშვნელოვანი გარემოებები დაადასტურა. იმ პერიოდში კომპანიის რეალური მფლობელი და მმართველი ავთანდილ წერეთელი იყო, მან თანხის გადარიცხვისთვის დავალება პირადად ავთანდილ წერეთლისგან მიიღო, რომელიც საქმეში არსებული მასალებითაც დასტურდება“, - განაცხადა მიქავამ.

კითხვაზე, არის თუ არა საქმეზე დასაკითხ პირთა სიაში ეროვნული ბანკის ყოფილი პრეზიდენტი, გიორგი ქადაგიძე, გიორგი მიქავამ უპასუხა, რომ ქადაგიძე მათ სიაში არის.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო