სომალის დედაქალაქთან, დანაღმული მანქანის აფეთქებების შედეგად სულ მცირე 6 ადამიანი დაიჭრა. ადგილობრივი პოლიციის ცნობით, დაჭრილია სამი თურქი ინჟინერი, მათი თარჯიმანი და პოლიციის ორი ოფიცერი.
მოგადიშუში თურქეთის საელჩოს ინფორმაციით, დაჭრილები მკურნალობას ადგილობრივ საავადმყოფოში გადიან.
მომხდარზე პასუხისმგებლობა „ალ-ქაიდასთან“ დაკავშირებულმა სამხედრო ჯგუფმა აიღო. ცნობისთვის, დაჯგუფების გაცხადებული მიზანი სომალის გაეროს მიერ მხარდაჭერილი მთავრობის ჩამოგდებაა.