გედევან ფოფხაძე - ივანიშვილი ხომ ატყობს, რომ გუნდი, რომლის ამარაც დარჩა, გუნდი არ არის? ესენი არიან ცხვრები, რომლებსაც აუცილებლად სჭირდებათ ქოფაკი თუ არა, თხა მაინც

ბიძინა ივანიშვილი ხომ ატყობს, რომ გუნდი, რომლის ამარაც დარჩა, გუნდი არ არის, ესენი არიან ცხვრები, რომლებსაც აუცილებლად სჭირდება ქოფაკი თუ არა, თხა მაინც, - ასე ეხმიანება ფრაქცია „დამოუკიდებელი დეპუტატების" წევრი გედევან ფოფხაძე ჟურნალისტებთან პრემიერ- მინისტრად ბიძინა ივანიშვილის შესაძლო დაბრუნების შესახებ ინფორმაციას.

დეპუტატი მიიჩნევს, რომ არჩევნების წინ შესაძლოა, ბიძინა ივანიშვილი ვა ბანკზეც წავიდეს და პრემიერის პოსტის დასაკავებლად საფრანგეთის მოქალაქეობაც კი დათმოს.

„დაველოდოთ პოლიტიკურ მოვლენებს. მოტივაცია იქნება განმსაზღვრელი იმიტომ, რომ თუ ბიძინა ივანიშვილი ვა ბანკზე წავა, შეიძლება საფრანგეთის მოქალაქეობაზეც კი თქვას უარი. ამ სიტუაციაში ისიც ხომ ატყობს, გუნდი, რომლის ამარაც დარჩა, ეს გუნდი არ არის, ესენი არიან ცხვრები, რომლებსაც აუცილებლად სჭირდებათ თუ ქოფაკი არა, თხა მაინც. შესაბამისად, რაღაც დონეზე აუცილებელია ორგანიზებულობის მიცემა ამ ყველაფრისთვის არჩევნების წინ მაინც. პირდაპირ გეტყვით, ეს ყველაფერი არის მათი ინტერესი და არა ქართველი ხალხის ინტერესი. ქართველი ხალხის და ქართული სახელმწიფოს ინტერესია „ქართული ოცნება" ხელისუფლებიდან წავიდეს. როგორი იქნება ხვალინდელი დღე, ეს არის ხალხთან შეთანხმების საგანი, მაგრამ ვინც არ უნდა იყოს ხელისუფლებაში, ალბათ, ეს ქართველი ხალხისთვის ცალსახაა, ეს არის მიშა სააკაშვილი და ბიძინა ივანიშვილი. ეს ორი არ უნდა იყოს ხელისუფლებაში,"- განაცხადა გედევან ფოფხაძემ.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან