სოფელ გუგუტიანთკართან, იმ ტერიტორიაზე, სადაც საოკუპაციო ძალების წარმომადგენლებმა გუშინ უკანონო ინსტალაციები აღმართეს, დღეს ე. წ. მესაზღვრეები აღარ გამოჩენილან.
სოფლის პერიმეტრზე დაახლოებით 100 მეტრის მანძილზე საოკუპაციო რეჟიმის წარმომადგენლებმა ლითონის ბოძების ინსტალაცია განახორციელეს. აღნიშნულ ბოძებზე შემდგომ ლითონის ღობეების მონტაჟს ახორციელებენ.
ამ უკანონო სამუშაოების შედეგად გუგუტიანთკარელების მიწის ნაკვეთები და შენობა-ნაგებობები დამატებით ოკუპირებულ ტერიტორიაზე არ მოქცეულა.
ამასთან, აღნიშნულთან დაკავშირებით სახელმწიფო უსაფრთხოების სამსახურის მიერ გააქტიურებულია „ცხელი ხაზი" და ინფორმირებულია ევროკავშირის სადამკვირვებლო მისია.