ენერგეტიკის თემატიკით დაინტერესებული ჟურნალისტებისთვის სემეკი „მედია კლუბის“ განახლებულ პროექტს იწყებს

საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკ) პროექტ „მედია კლუბის“ ფარგლებში ტრენინგების ახალ კურსს იწყებს.

როგორც „ინტერპრესნიუსს“ სემეკიდან აცნობეს, თემატიკა მოიცავს ელექტროენერგეტიკისა და ბუნებრივი გაზის სექტორების სამართლებრივ ჩარჩოს, ახალ კანონს „ენერგეტიკისა და წყალმომარაგების შესახებ“ და შესაბამის ცვლილებებს რეგულაციებში; ევროპის მესამე ენერგეტიკული პაკეტით გათვალისწინებული დირექტივების ჰარმონიზებას ქართულ კანონმდებლობაში, ენერგეტიკული ბირჟის ფუნქციებსა და როლს ენერგეტიკაში.

მათივე ინფორმაციით, ტრენინგებს ჩაატარებენ სემეკის წარმომადგენლები და მოწვეული სპეციალისტები ენერგეტიკის სექტორში მოქმედი სხვადასხვა უწყებებიდან. ასევე, დაგეგმილია უცხოელი ექსპერტების მოწვევა ევროპული დირექტივების იმპლემენტაციის საკითხებზე. ტრენინგები დაიწყება თებერვალში და მისი ხანგრძლივობა იქნება 4 თვე. გაიცემა სერტიფიკატი.

მათივე ცნობით, მონაწილეობის მსურველებს რეგისტრაციის გავლა შეუძლიათ ქვემოთ მოცემული ლინკის საშუალებით: http://gnerc.org/ge/saregistratsio-forma

„რეგისტრაციის ბოლო ვადაა 2020 წლის 31 იანვარი. სარეგისტრაციო ფორმა განთავსებული იქნება სემეკის ვებგვერდსა (www.gnerc.org) და Facebook გვერდზე.

ერთი კვირის განმავლობაში ჩატარდება ერთი ტრენინგი, რომლის ხანგრძლივობაც იქნება 2-3 საათი.

ტრენინგის ჩატარების დღეები და დაწყების საათები განისაზღვრება მონაწილეებთან შეთანხმებით.

ტრენინგის ფარგლებში განსახილველი თემები:

საქართველოს კანონი „ენერგეტიკისა და წყალმომარაგების შესახებ“;

ენერგეტიკული ბირჟის ფუნქციები - ელექტრონული პლატფორმა;

ელექტროენერგიის ადგილობრივი წარმოების აუცილებლობა; ჰიდროელექტროსადგურების მშენებლობასთან დაკავშირებული პრობლემები და გამოწვევები;

დანახარჯების მარეგულირებელი აუდიტის წესი;

ელექტროენერგიის ბაზრის ახალი მოთამაშეები, რეგულაციები, მოსალოდნელი გამოწვევები და მათი გადაჭრის გზები;

ბუნებრივი გაზის ბაზრის რეგულაციები, მოსალოდნელი გამოწვევები და მათი გადაჭრის გზები;

რატომ ვერ იქნება უფასო ელექტროენერგია, ბუნებრივი გაზი, სასმელი წყალი - სატარიფო რეგულირების პრინციპები;

სმარტ აღრიცხვის სისტემა;

ელექტროენერგიის, ბუნებრივი გაზისა და სასმელი წყლის მომხმარებელთა უფლებები და ვალდებულებები;

განახლებადი ენერგიები/ენერგოეფექტურობა“, - ნათქვამია ინფორმაციაში.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია