ქართული პრესის მიმოხილვა 24.01.2020

რატომ გაძლიერდა დასავლეთის კრიტიკა საქართველოს ხელისუფლების მიმართ და რა შედეგები ექნება ამას ქვეყნისთვის

“პარლამენტის წინ ღობის შემოღობვა, წამგებიანია პირველ რიგში "ოცნებისთვის“ - ძაბირაძე

***

რატომ გაძლიერდა დასავლეთის კრიტიკა საქართველოს ხელისუფლების მიმართ და რა შედეგები ექნება ამას ქვეყნისთვის

“ბოლო დროს დასავლეთის დიპლომატებისგან საქართველოსადმი მომატებულ კრიტიკაში ძირითადი აქცენტები ჩავარდნილ პროპორციულ საარჩევნო სისტემაზე, 20 ივნისის ინციდენტზე და ანაკლიის პორტზეა გაკეთებული, იქონიებს თუ არა ეს გავლენას საქართველოს საერთაშორისო იმიჯზე, ამის შესახებ ექსპერტები ამბობენ, რომ მომატებული კრიტიკის გამო, ნელ-ნელა "გლობალურ პოზიციებს ვკარგავთ", - წერს გაზეთი "რეზონანსი“ სტატიაში სათაურით, რატომ გაძლიერდა დასავლეთის კრიტიკა საქართველოს ხელისუფლების მიმართ და რა შედეგები ექნება ამას ქვეყნისთვის

"4 კონგრესმენის მიერ, პრემიერმინისტრ გიორგი გახარიასთვის გაგზავნილ წერილში, შეშფოთებას გამოთქვამენ დაპირებული დემოკრატიული რეფორმის ჩაგდებისა და თანმხლები ძალადობის გამო, მშვიდობიანი დემონსტრანტების წინააღმდეგ, წერილში ასევე საუბარია ანაკლიის პორტზეც. მანამდე ხელისუფლებამ კრიტიკა ევროპარლამენტარებისგან მოისმინა, „ჩემთვის ცუდი მოსასმენია, როცა მმართველი პარტიის წარმომადგენელი საუბრობს, ან ჩივის ცუდი ოპოზიციის შესახებ, ეს არ არის დემოკრატიის წესები"... „გულახდილად თქვით, არ იყო ისე, რომ ბატონი ივანიშვილი ამბობდა, მოდით შეცვალეთ, მაგრამ სინამდვილეში, კულისებსმიღმა აწყობდა მისი (საარჩევნო რეფორმის) ჩავარდნის სცენარს? თუ თქვენ რეალურად ევროპელები ხართ, აღიარეთ ეს" - ასე შეფასებებისა და კითხვების მოსმენა მოუწიათ ევროპარლამენტარებისაგან ბრიუსელში, ევროპარლამენტის საგარეო ურთიერთობათა კომიტეტის სხდომაზე მყოფ შერიგებისა და სამოქალაქო თანასწორობის საკითხებში სახელმწიფო მინისტრ ქეთევან ციხელაშვილსა და პარლამენტის ვიცე-სპიკერ კახაკუჭავას”, - აღნიშნავს გამოცემა.

„ანალიტიკოსი ნიკა ჩიტაძე „რეზონანსთან" ამბობს, რომ საქართველოს ხელისუფლებისადმი დასავლეთის კრიტიკამ მას შემდეგ მოიმატა, რაც 20 ივნისის მოვლენები მოხდა და პროპორციული საარჩევნო სისტემა ჩავარდა. „ჩემი აზრით კრიტიკა ძირითადად მოიმატა იმიტომ, რომ დასავლეთი რეალურად ხედავს, რომ საქართველოს ხელისუფლება სამწუხაროდ დემოკრატიულ ნორმებს უგულებელყოფს, მითუმეტეს, როდესაც საერთაშორისო დემოკრატიულმა საზოგადოებამ ქართულ საზოგადოებასთან ერთად, დაპირება მიიღო იმასთან დაკავშირებით, რომ საქართველოში არჩევნები პროპორციული წესით ჩატარდებოდა. „გარდა ამისა, დემოკრატიული ნორმები სხვა მიმართულებითაც ირღვევა, საერთაშორისო საზოგადოება 20 ივნისის მოვლენების შესახებ ფლობს ინფორმაციას და ა.შ.რეალურად ძირითადად ამ ორ პრობლემის გამო მოიმატა დასავლეთის კრიტიკა."- განაცხადა ჩიტაძემ. ექსპერტი უსაფრთხოების საკითხებში ვახტანგ მაისაია „რეზონასთან" მიიჩნევს, რომ სტრატეგიული მეგობრების გაოცებას იწვევს ის, რომ დღემდე საქართველომ რუსეთის წინააღმდეგ სანქციურ პოლიტიკას არ მიმართა იმ დროს, როდესაც მასთან საომარ მდგომარეობაში ვიმყოფებით.

„კრიტიკა იმიტომაცაა და ჩვენი სტრატეგიული პარტნიორების გაოცებას იწვევს ისიც, რომ საქართველომ დღემდე რუსეთთან სანქციურ პოლიტიკას არ მიმართა, როდესაც უკრაინა და სხვა სახელმწიფოები, რომლებიც პროდასავლური სახელმწიფოები არიან, რუსეთის მიმართ სანქციურ პოლიტიკას ახორციელებენ”, - განაგრძობს გამოცემა.

“უკრაინის ქმედებები პროდასავლურ ორიენტაციის ნორმებში ზუსტად ეტევა, ჩვენთან პირიქით, რუსეთი მთავარი სავაჭრო პარტნიორი გახდა, ეს მაშინ, როდესაც ის ჩვენი ოფიციალური სამხედრო მტერია, დღემდე საომარ მდგომარეობაში ვიმყოფებით და ის ჩვენი ტერიტორიების მცოცავ ოკუპაციას აგრძელებს, რაც ბუნებრივია, ჩვენი სტრატეგიული მოკავშირეებისთვის ცოტა გაუგებრობას იწვევს. მეორე ის, რომ არავინ არ აპირებს ნატოსთან ურთიერთობების განვითარებას, მმართველი პოლიტიკური პარტია მხოლოდ ევროპულ ინტეგრაციაზე ამახვილებს ყურადღებას, ბუნებრვია, ამას დასავლეთის გავლენიანი საექსპერტო და პოლიტიკური პირებიც ამჩნევენ. კრიტიკის ერთ-ერთი მიზეზი ანაკლიის პროექტის ჩაშლა, რომელშიც ამერიკის ინტერესები იყო ჩვენს რეგიონში, ანუ გეოპოლიტიკურ ინტერესებზეა საუბარი, ამაზე აშშ-ს სახელმწიფო მდივანმა პომპეომ მაშინ მინიშნება სპეციალურადაც კი გააკეთა. გარდა ამისა, კრიტიკის მიზეზი კიდევ ბევრი მომეტია, საპარლამენტო თუ საარჩევნო სისტემასთან დაკავშირებული საკითხები, ასევე 20 ივნისის მოვლენებიც, რომლებიც ბევრ კითხვის ნიშანს ბადებს, იგივე ევროპარლამენტარების განცხადებაში და 4 კონგრესმენის წერილშიც დაფიქსირდა ეს მომენტები”, - დასძენს გამოცემა.

“ამერიკისთვის ეს ის მომენტია, როდესაც მათ ბიზნესის ინტერესები ილახება, ესაა მათი ყველაზე დიდი გამოწვევა, იგი თავისი ბიზნესინტერესების დასაცავად თავის დროზე სამხედრო კომფლიქტებშიც კი ჩაერთო, ერაყის კამპანია ავიღოთ, სადაც აშშ ბიზნესინტერესების დაცვის მიზნით იყო. აშშ-ის ბიზნესინტერესები, ესაა მათი ეროვნული ინტერესების სასიცოცხლო დონის ინტერესები. საერთაშორისო ინტერესების ოთხი კატეგორია არსებობს, 1.სასიცოცხლო, 2.მნიშვნელოვანი, 3.მთავარი, 4.პერიფერიული, სასიცოცხლო და მნიშვნელოვანი ინტერესების დაცვა ნიშნავს იმას, რომ სახელმწიფომ შესაძლოა გამოიყენოს სამხედრო, დიპლომატიური და ყველა საშუალება, რომ ეს ინტერესები დაცული იქნეს, რომელთა შებღალვა ფაქტიურად ქვეყნის გეოპოლიტიკურ სტატუსის და სახელმწიფო სუვერენიტეტის პირდაპირ შებღალვას ნიშნავს." აცხადებს იგი. მისივე თქმით, დასავლელი დიპლომატების კრიტიკა საქართველოს საერთაშორისო იმიჯზე პირდაპირ აისახება, რაც საქართველოს სტატუსს საერთაშორისო თვალსაზრისით კიდევ უფრო ამცირებს. კრიტიკა ჩვენს საერთაშორისო იმიჯზე მოქმედებს და ჩვენი სტატუსი კიდევ უფრო მცირდება, ვკარგავთ იმ პოზიციებს, რომელიც გვქონდა, პოლიტიკისა და ეკონომიკის გლობალური დონეზეა საუბარი. არ მახსენდება ბოლოს რომელი მსხვილი დელეგაცია იყო ჩამოსული, ასეთი დელეგაციები სამწუხაროდ ჩვენთან უკვე ნაკლებად ჩამოდიან, ასევე ჩვენებიც არ ახორციელებენ ინტენსიურ ვიზიტებს. მაგალითად უკრაინა კი დიდი ინტერესის ქვეშაა, ამის გამო აშშ-ს პრეზიდენტს ქვედა პალატამ იმპიჩმენტიც კი გამოუცხადა."- განაცხადა მაისაიამ”, - წერს სტატიის ავტორი.

“პარლამენტის წინ ღობის შემოღობვა, წამგებიანია პირველ რიგში "ოცნებისთვის“ - ძაბირაძე

“პროპორციულს გამოემშვიდობონ, გამოემშვიდობებიან მაშინ, თუ ხელისუფლებას საკონტიტუციო უმრავლესობა ექნება და კონსტიტუციაში ცვლილებებს შეიტანს, თუ ვერ შეიტანს, მაშინ არსებული ჩანაწერი დარჩება და 2024 წლის შემდგომი არჩევნები უკვე პროპორციული სისტემით ჩატარდება". ასე აფასებს „რეზონანსთან" ანალიტიკოსი ვახტანგ ძაბირაძე იუსტიციის მინისტრის თეა წულუკიანის განცხადებას იმის შესახებ, რომ ან ოპოზიცია უნდა დათანხმდეს მმართველი გუნდის შეთავაზებას, ან გამოიგლოვოს პროპორციული საარჩევნო სისტემა”, - წერს გაზეთი "რეზონანსი“ სტატიაში სათაურით, “პარლამენტის წინ ღობის შემოღობვა, წამგებიანია პირველ რიგში "ოცნებისთვის“ - ძაბირაძე

"ვახტანგ ძაბირაძის თქმით, გასაგებია, რომ გარე კრიტიკული ტალღა ძლიერდება, ეს მოსალოდნელიც იყო, საარჩევნო წელია და საქართველოში როგორც საშინაო, ისე საგარეო ძალიან ბევრი ინტერესები იკვეთება, რომ ვთქვათ, დღეს ქვეყნის შიგნით ელექტორატის განწყობებში სურათი მნიშვნელოვნადაა შეცვლილი მთავარი პარტიების „ქართული ოცნებისა" და „ნაციონალური მოძრაობის" მიმართ, ჯერჯერობით რაღაც ასე არ ჩანს, ოპოზიციაში გადაწყობა-გადალაგების პროცესი მიმდინარეობს, მაგრამ მე მაინც მგონია, რომ ისევ ის პოლიტიკური ვითარებაა შეარჩუნებული, რაც წინა წლის შემოდგომიდან მოყოლებული იყო, ჯერჯერობით, ყველა საშინაო ფაქტორი ჯერ არ ჩართულა, მგონია, რომ ხელისუფლებას ამ ვითარებიდან თავის დაღწევა შეუძლია, მას კომპრომისების საშუალება აქვს, იგივე საარჩევნო სისტემასთან მიმართებაში, იქიდან გამომდინარე რა პასუხებს მივიღებთ ეუთო/ოდირიდან, როგორ გადაწყდება საარჩევნო სისტემა და როგორი იქნება, ეს ფაქტორი მნიშვნელოვნად განაპირობებს არა არჩევნების ლეგიტიმურობა-არალეგიტიმურობას, არამედ ეს დაპირისპირება ნორმალურ კანონიერ ჩარჩოებში ჩაჯდება, როგორც ეს ყველა ნორმალურ ქვეყანაში წინაასაარჩევნოდ ხდება ხოლმე და პოლიტიკური ძალები ქვეყანას მკვეთრი და ხისტი დაპირისპირებისაკენ არ წაიყვანენ”, - აღნიშნავს გამოცემა.

"კორესპონდენტის თქმით, დედაქალაქის მერიამ რეაბილიტაციის მიზნით პარლამენტის მიმდებარე ტერიტორიას რკინის ჯებირები შემოავლო, ოპოზიცია ამბობს, რომ ხელისუფლებამ ეს შიშის გამო გააკეთა, რადგან ოპოზიციის პროტესტის ეშინია... ძაბირაძის თქმით, მან ერთ-ერთ გადაცემას უსმინა, სადაცნათქვამი იყო, რომ გადავამოწმეთო და მერიას ეს პროექტი დაგეგმილი ჰქონდაო, ანუ სპონტანურად არ დაუწყია, მაგრამ დღეს ჩვენთან პოლიტიკური სიტუაცია იმდენად დაძაბულია, ნებისმიერი გადაწყვეტილება პოლიტიკურ ჭრილში უნდა იყოს გატარებული,

პარლამენტის წინ ღობის შემოღობვა, როგორც არ უნდა ყოფილიყო დაგეგმილი, ეს წამგებიანია პირველ რიგში „ქართული ოცნებისთვის" იმიტომ, რომ რამდენიც არ უნდა ამტკიცოს ხელისუფლებამ, რომ ეს დაგეგმილი მქონდაო, არცერთი ადამიანი ამას არ დაიჯერებს, ამიტომ პირველ რიგში ხელისუფლება გონიერად უნდა მიუდგეს ასეთ ფაქტორებს. ბუნებრივია, რომ ოპოზიცია ამ ფაქტს გამოიყენებს, მას საპროტესტო მოძრაობისთვის არც არაფერში ხელს არ შეუშლის, პიკეტირება თუ უნდათ, პიკეტირება თვითონ ხელისუფლებამ მოაწყო, შემოღობა და დარჩა სამი შესასვლელი კარი, სამ კართან გააკეთებენ პიკეტირებას, რა პრობლემაა. ხელისუფლებამ უბრალოდ პოლიტიკურად წააგო, როდესაც ამ ეტაპზე პარლამენტთან რეაბილიტაცია დაიწყო”, - განაგრძობს გამოცემა.

“კორესპონდენტის კითხვაზე, როგორ შეაფასებთ იუსტიციის მინისტრის თეა წულუკიანის განცხადებას, რომ ოპოზიცია ან უნდა დათანხმდეს მმართველი გუნდის შეთავაზებას, ან გამოიგლოვოს პროპორციული საარჩევნო სისტემა. ძაბირაძის თქმით, ის, რასაც ხელისუფლება სთავაზობს, არაა პროპორციული, ლაპარაკი, რომ 100 მანდატი პროპორციულად გადანაწილდეს და 50 მაჟორიტარულად, ანუ მაჟორიტართა რაოდენობა მცირდება, ესაა და ეს. ამას დამატებით მოსდევს ის, რომ კონსტიტუციაში ცვლილება უნდა შევდეს, რომ ყველა შემდგომი არჩევნები ამ სისტემით ჩატარდეს, ანუ 100/50-ზე. დიდი ალბათობით, ოპოზიცია ამაზე არ წავა იმიტომ, რომ იგი ფაქტიურად იმის შანსს კარგავს, რომ 2024 წელს პროპორციული არჩევნები იყოს, რაც შეეხება იმას, რომ პროპორციულს გამოემშვიდობონ, გამოემშვიდობებიან მაშინ, თუ ხელისუფლებას საკონტიტუციო უმრავლესობა ექნება და კონსტიტუციაში ცვლილებებს შეიტანს, თუ ვერ შეიტანს, მაშინ არსებული ჩანაწერი დარჩება და 2024 წლის შემდგომი არჩევნები უკვე პროპორციული სისტემით ჩატარდება”, - წერს სტატიის ავტორი.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე