ჩინეთში, უხანის პროვინციაში 1000 - საწოლიანი საავადმყოფოს ასაშენებლად სამუშაოები ინტენსიურად მიმდინარეობს. 25 000 კვადრატულ მეტრზე განლაგებული შენობა სავარაუდოდ, ფუნქციონირებას 3 თებერვლისთვის დაიწყებს.
საგანგებო რეჟიმში მუშაობს ქვეყნის სხვა საავადმყოფოებიც, რომლებიც მედიის ცნობით, ძალიან გადატვირთულია. ჰონგ-კონგის საავადმყოფოს წარმომადგენლის თქმით, ჰოსპიტალის საწოლების 97% უკვე დაკავებულია, მაშინ როცა, ქალაქში მიმართვიანობის ზრდას ახალი წლის შემდეგ ელოდებიან.
ამასთან, პეკინისა და შანხაის მთავრობები მოსახლეობას, ვინც ქვეყნის იმ რეგიონებში იმყოფებოდნენ, სადაც ვირუსის ყველაზე მეტი მაჩვენებელია დაფიქსირებული, მოუწოდებენ, თავი შეიკავონ ქალაქებში ჩასვლისკენ და ადგილზე სულ მცირე 14 დღით დარჩნენ.
ახალი კორონავირუსი სავარაუდოდ ბრიტანეთშიც დაფიქსირდა. Public Health England-ის დირექტორის ცნობით, რამდენიმე პაციენტზე, რომელთაც დიდი ალბათობით ვირუსი აქვთ, დაკვირვება მიმდინარეობს.
ვირუსის ორი ახალი შემთხვევა დაფიქსირდა სინგაპურშიც.
ცნობისთვის, ახალი კორონავირუსი ჩინეთის პროვინცია უხანში გასული წლის დეკემბერში დაფიქსირდა მაშინ, როცა ზღვის პროდუქტების ბაზრის რამდენიმე თანამშრომელსა და მომხმარებელს ერთდროულად აღმოაჩნდა. ამ დროისთვის ვირუსით 25 ადამიანია დაღუპული.