ეს არის ძალიან ცუდი გზავნილი თითოეული პოლიციელის მიმართ, ამით ისინი ეუბნებიამ მათ, რომ არ დააყენონ იმ პირების პასუხისმგებლობა, რომლებიც შეიძლება იყვნენ რომელიმე გავლენიანი ოჯახის წევრები, - ასე უპასუხა ჟურნალისტების კითხვას "საერთაშორისო გამჭვირვალობა-საქართველოს" აღმასრულებელმა დირექტორმა ეკა გიგაურმა , რომელიც ლევან იზორიას ძმის საქმეს შეეხებოდა.

მისივე თქმით, ასეთი მიდგომა, გამოიწვევს ძალიან დიდ პრობლემებს სისტემაში და შეაფერხებს პოლიციელებს.

"ეს არის სამწუხარო, რომ ერთი კითხვაც არ დასმულა იზორიას ამ საქმეში ჩართულობასთან დაკავშირებით. ჩემთვის პირადად ადგილი ჰქონდა უფლებამოსილების გადამეტებას და დარწმუნებული ვარ, რომ ამ საქმეში იზორიას ძმა რომ არ ყოფილიყო და არ ყოფილიყო ის მინისტრის მოადგილე, ცხადია, ამ ადამიანს არ გაუშვებდნენ,"- განაცხადა გიგაურმა.