კობა კოშაძის ადვოკატი მოწმეზე - ისე ყვებოდა თავის ჩვენებას, მე შევწუხდი ამ ყმაწვილის მაგივრად - ასეთი პოლიციელებით უნდათ მტკიცებულებების შექმნა

თავდაცვის ყოფილი მინისტრის, ირაკლი ოქრუაშვილის დაცვის წევრის, კობა კოშაძის ადვოკატი მამუკა ჭაბაშვილი აცხადებს, რომ დღევანდელ სასამართლო პროცესზე მოწმეების ჩვენებაში ბევრი უზუსტობა იყო.

მისივე თქმით, ეს საქმე გაყალბებულია.

„მე შევწუხდი ამ ყმაწვილის მაგივრად. იცით, როგორ ყვებოდა თავის ჩვენებას? მასწავლებლის წინაშე საზეპიროს რომ ყვებიან და ნერვიულობენ, რამე არ შეეშალოთ. ბოლოს ხმა აუკანკალდა, ვიფიქრე ცუდად არ გახდეს მეთქი. ასეთი პოლიციელებით უნდათ მტკიცებულებების შექმნა. მოწმეებმა ბევრი უზუსტობა დაუშვეს, რაც იმაზე მეტყველებს, რომ ეს ფაქტი არ მომხდარა, მათ ხელოვნურად შექმნეს და შესაბამისად, ტყუილი გაიმეორო ისე, რომ შეცდომა არ დაუშვა და დაამთხვიო ჩვენებები ერთმანეთს, ძალიან რთულია“, - განაცხადა მამუკა ჭაბაშვილმა.

დაცვის მხარის განცხადებას, რომ მოწმეების ჩვენებებში უზუსტობებია, არ ეთანხმება საქმის პროკურორი ალექსანდრე ჩხეიძე. მისი განცხადებით, ბრალდების მხარის მოწმეებმა დეტალურად და ქრონოლოგიურად ისაუბრეს.

„გამომძიებელმა დეტალურად, ქრონოლოგიურად განმარტა ყველა მის მიერ ჩატარებული საგამოძიებო მოქმედება და ასევე განმარტა, თუ რა ვითარებაში მოხდა კობა კოშაძის ავტომანქანიდან ცეცხლსასროლი იარაღის ამოიღება. მიუხედავად დაცვის მხარის მცდელობისა, რომ საქმის მასალების არასწორი ინტერპრეტაციით შეცდომაში შეეყვანა გამომძიებელი, მან სრული სიმართლე თქვა და განმარტა, რომ ცეცხლსასროლი იარღი ამოღებული იქნა კობა კოშაძის ავტომანქანიდან”, - განაცხადა პროკურორმა.

ცნობისთვის, კობა კოშაძეს ცეცხლსასროლი იარაღის და საბრძოლო მასალის უკანონო შეძენა-შენახვა-ტარებას ედავებიან.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს