ცხინვალში რუსი მრჩევლისა და მისი მეუღლის გარდაცვალების მიზეზის დასადგენად ცხედრებს ვლადიკავკაზში გადაასვენებენ

ცხინვალში, საცხოვრებელ სახლში აღმოჩენილი რუსი მრჩევლისა და მისი მეუღლის ცხედრებს ვლადიკავკაზში გადაასვენებენ, სადაც ექსპერტიზა ჩაუტარდებათ. ამის შესახებ „სპუტნიკ ოსეტიას“ ინფორმაციით, ოკუპირებული „სამხრეთ ოსეთის“ დე ფაქტო გენპროკურორმა ურუზმაგ ჯაგაევმა განაცხადა.

მისი თქმით, მხოლოდ ამის შესახებ გახდება შესაძლებელი იმის თქმა, თუ რა გახდა მათი გარდაცვალების მიზეზი.

ჯაგაევის თქმით, გარეგნულად ცხედრებს რაიმე სახის ძალადობის კვალი არ აღენიშნებათ.

სამართალდამცველები ამ ეტაპზე რაიმე სახის კომენტარს არ აკეთებენ.

როგორც ცნობილია, ცხინვალში ჯანმრთელობისა და სოციალური პოლიტიკის საკითხებში რუსი მრჩევლის, მედიცინის მეცნიერებათა დოქტორის იგორ გალისა და მისი მეუღლის ცხედრები დღეს იპოვეს.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში