ქართული პრესის მიმოხილვა 04.02.2020

რატომ ამბობს უკრაინა უარს ირანის მიერ შეთავაზებულ კომპენსაციაზე

ვაშინგტონში ვიზიტებზე მნიშვნელოვნად იქნება დამოკიდებული როგორი იქნება ქვეყნის ხვალინდელი დღე - ძაბირაძე

***

რატომ ამბობს უკრაინა უარს ირანის მიერ შეთავაზებულ კომპენსაციაზე

“რატომ განაცხადა უარი პრეზიდენტმა ვოლოდიმირ ზელენსკიმ, უკრაინის სამგზავრო თვითმფრინავის ავიაკატასტროფის შედეგად გარდაცვლილი ადამიანების ოჯახებისთვის, ირანის მთავრობის მიერ შეთავაზებულ კომპენსაციის ოდენობაზე, რას ნიშნავს ზელენსკის სიტყვები „ჩვენ მეტს მოვითხოვთ", - წერს გაზეთი "რეზონანსი“ სტატიაში სათაურით, რატომ ამბობს უკრაინა უარს ირანის მიერ შეთავაზებულ კომპენსაციაზე

"როგორც უკრაინის პრეზიდენტი აღნიშნავს, ირანმა კიევს თვითმფრინავის ჩამოგდების კომპენსაციის მიზნით, თითო ოჯახისთვის 80 ათასი აშშ დოლარი შესთავაზა, რაზეც კიევი არ დასთანხმდა, მისი თქმით, ადამიანის სიცოცხლე ფულით არ იზომება, თუმცა მეტს მოითხოვენ. ექსპერტი უსაფრთხოების საკითხებში ვახტანგ მაისაია „რეზონანსთან" აღნიშნავს, რომ მსოფლიოში მსგავსი პრაქტიკა ყოფილა, თუმცა ქვეყნებს შორის დიალოგისას და საკონპენსაციო თანხის გადახდისას საერთაშორისო ჩარევა არ დასჭირვებია”, - აღნიშნავს გამოცემა.

"ბუნებრივია, ირანის მთავრობა ვალდებულია, რომ თითოეულ დაზარალებულ ოჯახს კონპენსაცია გადაუხადოს, თანხები სხვადასხვა ქვეყანას ასეთი შემთხვევებისას სხვანაირად აქვს გამოყოფილი, ირანს როგორც ჩანს 80 დან 100 ათას დოლარამდე აქვს გამოყოფილი, ამ თანხების გადახდა მხოლოდ იმ ქვეყანას ეკუთვნის, რომელიც დამნაშავეა და ირანმა დანაშაული აღიარა, უნებლიე იყო თუ სხვა რამ, ეს სხვა საკითხია. მეორე საკითხია ის, რომ დამზღვევ კომპანიებსაც ეკუთვნით (ვინც ამ მგზავრებს აზღვევდა) თანხის გადახდა და ბუნებრივია, უშუალოდ უკრაინელებმაც შესაძლოა თავიანთ მოქალაქეების მიმართ განახორციელონ საკონპენსაციო თანხის გადახდა, თუმცა ამ თვითმფრინავში თუ არ ვცდები უკრაინის 12 მოქალაქე იყო, რაც შეეხება ირანის მოქალაქეებს, მათზე ალბათ ირანი იზრუნებს და კონპენსაციასაც გადაუხდის”, - განაგრძობს გამოცემა.

"რა თანხაზე დათანხმდება უკრაინა, ეს უკვე ირანსა და უკრაინას შორის მოლაპარაკების საგანია, როდესაც ადამიანის სიცოცხლეზეა საუბარი, ძალიან ცინიკური და რთულია იმაზე ლაპარაკი, თუ რა თანხა ეკუთვნის დაღუპულის ოჯახს. პრაქტიკაში ასეთი რამ იყო - 2000-იან წლებში უკრაინელებმა რუსული თვითმფრინავი, თუ არ ვცდები ყირიმის მიდამოებში ჩამოაგდეს, უკრაინის C-200-მა რაკეტსაწინააღმდეგო კომპლექსმა შემთხვევით რუსული თვითმფრინავი ჩამოაგდო, მაშინ უკრაინის ხელისუფლება იძულებული გახდა, რომ კომპენსაცია გადაეხადა, რამდენადაც ვიცი ამ დროს დაზარალებული ოჯახებისთვის გადახდილ კომპენსაციას არავითარი მსგავსი რამ არ გამოუწვევია და საერთაშორისო სასამართლომდე არ მისულა საქმე. კიდევ ასეთი ფაქტი იყო, რომ ამერიკელებმაც სპარსეთის ყურესთან ირანული სამგზავრო თვითმფრინავი ჩამოაგდეს, ამ შემთხვევაშიც ამერიკულმა მხარემაც გადაიხადა კომპანსაცია და არც ეს არ გახდა მსჯელობის საგანი" - განაცხადა მან. 8 იანვარს „უკრაინის საერთაშორისო ავიახაზების" „ბოინგ 737"-მა თეირანის აეროპორტთან, აფრენიდან რამდენიმე წუთში კატასტროფა განიცადა. ბორტზე მყოფი 176 ადამიანი დაიღუპა. რამდენიმე დღის შემდეგ, ირანმა აღიარა, რომ თვითმფრინავის ჩამოგდება შეცდომით მოხდა”, - წერს სტატიის ავტორი.

ვაშინგტონში ვიზიტებზე მნიშვნელოვნად იქნება დამოკიდებული როგორი იქნება ქვეყნის ხვალინდელი დღე - ძაბირაძე

"შეიძლება ოპოზიციისთვის საქილიკო იყოს ეს ვიზიტები, მაგრამ არა საზოგადოებისთვის, რადგან ამ შეხვედრების შემდეგ გადაწყდება როგორ წავა პროცესები არჩევნებამდე და არჩევნების შემდეგ"- ასე ეხმაურება პოლიტოლოგი ვახტანგ ძაბირაძე საქართველოს ხელისუფლების მიერ დაგეგმილ ვიზიტებს აშშ-ში”, - წერს გაზეთი "რეზონანსი“ სტატიაში სათაურით, ვაშინგტონში ვიზიტებზე მნიშვნელოვნად იქნება დამოკიდებული როგორი იქნება ქვეყნის ხვალინდელი დღე - ძაბირაძე

"აშშ-ის კონგრესმენებისა და სენეტორების კრიტიკული წერილების მიღების შემდეგ, მმართველი გუნდის გადაწყვეტილებით ვაშინგტონში მაღალი დონის ვიზიტები შედგება. პარლამენტის თავმჯდომარის არჩილ თალაკვაძის განცხადებით, სტრატეგიულ პარტნიორებთან უკვე დაგეგმილია ოთხზე მეტი მაღალი დონის ვიზიტი, რომელთა განხორციელებაც მომავალი კვირიდან დაიწყება და უკლებლივ ყველა პარტნიორთან მომავალთან დაკავშირებული ხედვა სათანადორდ იქნება მიტანილი. ცნობისთვის, საქართველოს საგარეო საქმეთა მინისტრი დავით ზალკანიანი აშშ-ს სახელმწიფო მდივან მაიკ პომპეოს მიწვევით მონაწილეობას მიიღებს რელიგიის თავისუფლების კოალიციის წევრი ქვეყნების საგარეო საქმეთა მინისტრების შეხვედრაში, რომელიც 4-7 თებერვალს გაიმართება”, - აღნიშნავს გამოცემა.

"უახლოეს დღეებში ვაშინგტონს ვიზიტით ეწვევა პარლამენტის თავმჯდომარე, ასევე იგეგმება საქართველოს პრემიერ-მინისტრ გიორგი გახარიას ვიზიტი აშშ-ში. "თემები საიდუმლო არ არის და ყველასთვის ცნობილია რა პრეტენზიებიც აქვთ დასავლელ პრატნიორებს. რა თქმა უნდა, პირველი თემა იქნება საარჩევნო სისტემა და არჩევნების ჩატარება. წამოიწევს ანაკლიის პორტის თემაც. "ხელისუფლების გადაწყვტილება სრულიად გამართლებულია და სწორია, რადგან ამ ვიზიტების ფარგლებში უნდა დაარწმუნონ პარტნიორები, რომ არჩევნები ჩატარდება სამართლიანად. შეხვედრები გაიამთრება კონგრესში და ალაბთ კონსულტაციებსაც გაივლიან, ტრამპის ადმინისტრაციასთან”, - განაგრძბს გამოცემა.

"ოპოზიციისთვის შეიძლება საქილიკო იყოს ეს ვიზიტები, მაგრამ არა საზოგადოებისთვის, რადგან ამ ვიზიტიების შემდეგ გადაწყდება როგორ წავა პროცესები არჩევნებამდე და არჩევნების შემდეგ. ბევრი რამ იქნება დამოკიდებული ამ შეხვედრებზე, როგორი იქნება ქვეყნის ხვალინდელი დღე. ვის რა დიპლომატიური ნიჭი აღმოაჩნდება, წინასწარ არავინ იცის, ისე ტალეირანები ჯერ მე საქართველოში არ მინახავს. რა შედეგსაც დადებს ხელისუფლება, ამასაც ვნახავთ. "ეს ვიზიტები იმ თვალსაზრისითაც არის მნიშვნელოვანი, რომ აშშ-ში მიემგზავრება ივანიშვილის ელჩები თუ პირადი დესპანები, რაც გინდა ის დაარქვით და ივანიშვილი დარწმუნდება ერთ რამეში, რომ ეს წერილები თუ ეპისტოლეები სახუმარო საქმე არ არის"- განაცხადა "რეზონანსთან" ვახტანგ ძაბირაძემ”, - წერს სტატიის ავტორი.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 09.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთი ბანკის" მმართველ გუნდში ცვლილებებია
"ბაზისბანკის" ციფრული არხებით სარგებლობა უფასოა