მამუკა ხაზარაძე პროკურორებს - თქვენი გენერალური პროკურორი ირაკლი შოთაძე ბიძინა ივანიშვილთან როგორც კერძო პირი ისე იყო მისული, თუ როგორც მთავარი პროკურორი?
თქვენი გენერალური პროკურორი ირაკლი შოთაძე ბიძინა ივანიშვილთან როგორც კერძო პირი ისე იყო მისული, თუ როგორც მთავარი პროკურორი? - ამ კითხვით პოლიტიკური გაერთიანება „ლელო საქართველოსთვის“ ლიდერმა, მამუკა ხაზარაძემ საქმის პროკურორებს მიმართა.
აღნიშნულით ის პროკურორების კითხვას გამოეხმაურა, რომელიც დასაკითხ მოწმეს დაუსვეს, უცხოელებს როგორც კერძო პირი ისე ხვდებოდა, თუ როგორც კომპანიის დირექტორი.
მამუკა ხაზარაძის კითხვასა და რეპლიკას დარბაზში მყოფი დამსწრეების მხრიდან ტაში მოჰყვა.
მოსამართლე გიორგი არევაძემ დამსწრეები გააფრთხილა და უთხრა, რომ ისინი „თეატრში არ იმყოფებიან“ და მსგავსის განმეორების შემთხვევაში დარბაზს დაატოვებინებდა.
შეგახსენებთ, გენერალური პროკურორობის კანდიდატმა, ირაკლი შოთაძემ დაადასტურა, რომ თანამდებობაზე ყოფნისას მამუკა ხაზარაძის, ვანო ჩხარტიშვილისა და ბიძინა ივანიშვილს შორის, ივანიშვილის ბიზნესცენტრში გამართულ შეხვედრას ესწრებოდა.
