„მწვანე სკოლის“ დირექტორის ინფორმაციით, სკოლამ სახელმწიფო ინსპექტორის სამსახურის მიერ დაკისრებული ჯარიმა გადაიხადა და მათი შენიშვნა გაითვალისწინა

„მწვანე სკოლამ“ სახელმწიფო ინსპექტორის სამსახურის მიერ დაკისრებული ჯარიმა გადაიხადა და მათი შენიშვნა გაითვალისწინა. ამის შესახებ „მწვანეს სკოლის“ დირექტორმა კახა დავითურმა „ინტერპრესნიუსთან“ საუბრისას განაცხადა.

რაც შეეხება ვიდეო ჩანაწერების გადაცემას პოლიციისთვის, სკოლის დირექტორის თქმით, ყველა ეს ქმედება იმ დღეს პოლიციის მითითებითა და მათი მეთვალყურეობით მიმდინარეობდა, რომელთაც სკოლას ოპერატიული საჭიროება აუხსნეს.

„სახელმწიფო ინსპექტორის მითითების შემდეგ ჩვენ მოვაწესრიგეთ და კამერები ამ ადგილებში აღარ არის, საუბარია საკლასო ოთახებში, სამასწავლებლოში, რის გამოც ჩვენ მათ მიერ დაკისრებული ჯარიმა გადავიხადეთ. ჩვენ ვთლით, რომ კამერების არსებობა სკოლის ტერიტორიაზე მოსწავლეთა უსაფრთხოების ერთ-ერთი მნიშვნელოვანი კომპონენტია და ჩავთალეთ, რომ კამერები, რაც შეიძლება ბევრგან უნდა ყოფილიყო, ოღონდ არა ტუალეტში, არამედ შეიძლება ჰიგიენურ ოთახში ყოფილიყო, სადაც ძალიან ხშირად ბევრ სკოლაში იწყება ხოლმე ჩხუბი. ამას ჰქონდა პრევენციული დანიშნულება. სკოლის ადმინისტრაციამ ნამდვილად არ იცოდა, რომ საკლასო ოთახებში არ შეიძლებოდა კამერების დაყენება. საკლასო ოთახებში კამერები 2011 წლიდან იყო დაყენებული. როგორც კი ჩვენ სახელმწიფო ინსპექტორის შენიშვნა მივიღეთ, გამოვასწორეთ და ამ ადგილებში კამერები აღარ არის. რაც შეეხება დანარჩენ საკითხებს, ვიდეოსამეთვალყურეო კამერების ჩანაწერების გადაცემას პოლიციისთვის, ყველა ეს ქმედება იმ დღეს მიმდინარეობდა პოლიციის მითითებით და მათი მეთვალყურეობით, რომელთაც ოპერატიული საჭიროება აგვიხსნეს“,-განაცხადა კახა დავითურმა.

შეგახსენებთ, რომ სახელმწიფო ინსპექტორმა 15 წლის ლუკა სირაძის საქმესთან მიმართებაში „მწვანე სკოლის“ მხრიდან პერსონალური მონაცემების შესახებ კანონის დარღვევა დაადგინა და სკოლას ადმინისტრაციული პასუხისმგებლობა დააკისრა.

იხილეთ ვიდეო: "მწვანე სკოლამ" სახელმწიფო ინსპექტორის მიერ დაკისრებული ჯარიმა გადაიხადა

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ