ბექა ბასილაიას ინფორმაციით, სასამართლოს განჩინება უკვე ჩაბარდა და გიგი უგულავას პენიტენციურ დაწესებულებაში სავარაუდოდ, უახლოეს რამდენიმე საათში გადაიყვანენ

გიგი უგულავას ადვოკატს ბექა ბასილაიას, სასამართლოს განჩინება გადაეცა. როგორც ჟურნალისტებთან საუბრისას ბექა ბასილაიამ განაცხადა, მასში "არანაირი დასაბუთება წარმოდგენილი არ აქვთ და ფარატინა ფურცლებით უშვებენ ოპოზიციის ერთ-ერთ ლიდერს ციხეში".

ადვოკატის ინფორმაციით, გიგი უგულავას გადაყვანას პენინტენციურ დაწესებულებაში შსს-ს წარმომადგენლები განახორციელებენ და ეს ალბათ, უახლოესი რამდენიმე საათის მანძილზე განხორციელდება.

,,როგორც ვიზუალურად არის ეს ფარატინა ქაღალდები შინაარსობრივადაც ასეა, სირცხვილია. რომ ეს არის საქართველოს სახელით გამოტანილი გადაწყვეტილება. ბიძინა ივანიშვილის ჯამბაზები გაბინაშვილი, თადუმაძე და შავლიაშვილი ფაქტიურად არიან ერთ აზრზე. ასევე ჩაგვბარდა გადაწყვეტილება თადუმაძის არ აცილების შესახებ. ძალიან კომიკურია, გაბინაშვილი შავლიაშვილი და თადუმაძე ჩემგან ითხოვდნენ იმის მტკიცებას, როგორ აქვს თადუმაძეს, როგორც გენერალურ პროკურორს ამ საქმეში მონაწილეობა მიღებულიო. თურმე, ამის მტკიცებები მე უნდა წარმედგინა მაშინ, როდესაც ნებისმიერი ობიექტური დამკვირვებლისთვის ნათელია, რომ შეუძლებელია, თადუმაძესთან არ ყოფილიყო შეთანხმებული უზენაეს სასამართლოში ამ საქმის გასაჩივრება.

არანაირი დასაბუთება წარმოდგენილი არ აქვთ, ფარატინა ფურცლებით უშვებენ ოპოზიციის ერთ-ერთ ლიდერს ციხეში. წერია უბრალოდ სასჯელები და მეტი არაფერი, ეს არის უხეში ძალის დემონსტრირება არანაირი სამართლებრივი ლოგიკა, არანაირი ლოგიკური არგუმენტაცია ეს არის უხეში ძალა. შსს-ს თანამშრომლები მოახდენენ გიგის გადაყვანას პენინტენციურ დაწესებულებაში და ეს ალბათ უახლოესი რამდენიმე საათის მანძილზე განხორციელდება,” - განაცხადა ბექა ბასილაიამ.

ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ქართული პრესის მიმოხილვა 15.02.2020
არმაზ ახვლედიანი -  უგუნური, დანაშაულებრივი ქმედებებით ივანიშვილი პროვოცირებას უკეთებს მოვლენების ყველაზე არასასურველი სცენარით განვითარებას
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა
კომპანია Domson’s Engineering & Construction-მა Forbes Georgia-ს 2019 წლის დაჯილდოებაზე Property-ს ჯილდო მოიპოვა
ევროკავშირის ქვეყნებში ნებისმიერ საბანკო ანგარიშზე თანხის გადარიცხვა სწრაფად და იაფად იქნება შესაძლებელი
Galaxy S20, S20+ და S20 Ultra-ს წინასწარი შეკვეთები უკვე დაიწყო
„მაკდონალდს საქართველო“ ირჩევს HAVI-ს, როგორც სანდო ლოგისტიკურ პარტნიორს