ფრაქცია "ნაციონალური მოძრაობის" თავმჯდომარის რომან გოცირიძის განცხადებით, ევროკავშირის კრიტიკა არის უმძაფრესი და თითის დაქნევა პირადად ბიძინა ივანიშვილისთვის.

როგორც მან ჟურნალისტებს განუცხადა, მსგავსი კრიტიკის შემდეგ რჩება ბოლო ნაბიჯი- სანქციები.

„მსგავსი უმწვავესი კრიტიკა დამახასიათებელია იმ პროცესისთვის, როცა ავტორიტარული რეჟიმები იცვლებიან. რეჟიმის შეცვლის პირველი სტადია არის ქვეყნის შიგნით საყოველთაო მიუღებლობა მმართველი პარტიის. „ქართულ ოცნებას" ზურგი აქცია ყველამ. მძაფრი საერთაშორისო კრიტიკაა და ხელისუფლების ძალით შენარჩუნების შემთხვევაში, სერიოზული სანქციები. დღეს ყველა ნიშანი როგორც საშინაო, ასევე საგარეო გვაჩვენებს ერთ რამეს, რომ "ქართული ოცნება" ნებისმიერი საარჩევნო სისტემის პირობებში მარცხისთვის განწირულია და ეს გაფორმდება ოფიციალურად ოქტომბერში", -განაცხადა გოცირიძემ.