არ გამოვრიცხავ, რომ ოქტომბრამდეც ვიხილოთ არჩევნები. ვადამდელი არჩევნების მექანიზმი არსებობს კანონმდებლობაში და შესაძლებელია მაისში ან აპრილში დაინიშნოს,- ამის შესახებ კონსერვატიული პარტიის თავმჯდომარემ, ზვიად ძიძიგურმა ტელეკომპანია "პალიტრანიუსის" გადაცემაში Newsroom-ში განაცხადა.

მისი თქმით, ვადამდელი არჩევნების ჩატარების შემთხვევაში ხელისუფლება დარჩება წაგებული, რადგან ეს „ოპოზიციის ზეწოლის ფაქტორად იქნება მოსახლეობაში აღქმული“.

„რაღაც ტიპის კონკრეტული ნაბიჯები ხელისუფლებამ უნდა გადადგას და ოპოზიციაც უნდა დაბრუნდეს მოლაპარაკეების მაგიდასთან, უნდა გაგრძელდეს მშვიდ ვითარებაში, თორემ ძალიან ფეთქებადი სიტუაცია შეიძლება მივიღოთ. მე არ ველოდები იმასაც, რომ ასეთ დაძაბულ ვითარებაში, ასეთი ტიპის საერთაშორისო გამოხმაურებების ფონზე, რომ არჩევნები ოქტომბერში ჩატარდება. არ გამოვრიცხავ, რომ ოქტომბრამდეც ვიხილოთ არჩევნები. ვადამდელი არჩევნების მექანიზმი არსებობს კანონმდებლობაში და შესაძლებელია მაისში ან აპრილში დაინიშნოს. ვადამდელი აჩევნების დანიშვნის შემთხვევაშიც ხელისუფლება დარჩება წაგებული, იქიდან გამომდინარე, რომ ამ ფონზე არჩევნების გადმოწევა რამდენიმე თვით ადრე, ეს ოპოზიციის ზეწოლის ფაქტორად იქნება მოსახლეობაში აღქმული, რაც ფსიქოლოგიურ უპირატესობას ოპოზიციას აძლევს“,- განაცხადა ძიძიგურმა.

იხილეთ ვიდეო