„ახალი საქართველოს“ ლიდერის, გიორგი ვაშაძის განცხადებით, საარჩევნო მოდელის პრინციპი, რომელიც 100/50-ს ითვალისწინებს მიუღებელია და აღნიშნავს, რომ ოპოზიცია ასეთი სახის სისტემას არ ემხრობა.
ვაშაძის თქმით, „ქართული ოცნების“ მიერ წამოწყებულ თამაშში აყოლას არ აპირებს და მიიჩნევს, რომ მათი სამოქმედო გეგმა, მთავარი ფაზის დასასრული მხოლოდ და მხოლოდ 4 აპრილს დაანონსებული ფართომასშტაბიანი აქცია იქნება.
„100/50-ზე მიუღებელია. ჩვენ ამის მხარდაჭერას არ ვაპირებთ. კიდევ ერთხელ, მარტივად ვუხსნი საზოგადოებას - ჩვენ არ ვვაჭრობთ ადგილებით. აღარ ვაპირებთ „ქართული ოცნებისა“ და ბიძინა ივანიშვილის თამაშში აყოლას და ჩვენი გეგმა არის მრავალკომპონენტიანი, კომპლექსური და შედგება რამდენიმე ფაზისგან: პირველი დიდი ფაზის დასასრული 4 აპრილის აქცია იქნება“, - განაცხადა გიორგი ვაშაძემ.
აღნიშნულ ინფორმაციას პარტია „ახალი საქართველო“ ავრცელებს.