ანრი ოხანაშვილი - ოპოზიციური ჯგუფები წინასაარჩევნო კამპანიას საზღვარგარეთ ატარებენ, იქნება ეს სტრასბურგი თუ ვაშინგტონი, ისინი ცდილობენ პარტნიორები შეცდომაში შეიყვანონ

იურიდიულ საკითხთა კომიტეტის თავმჯდომარე ანრი ოხანაშვილი მიიჩნევს, რომ ვიზალიბერალიზაციის დაკარგვის საფრთხე არ არსებობს. ამ საკითხთან დაკავშირებით ჟურნალისტების მიერ დასმულ კითხვას დეპუტატი პასუხობს, რომ "ამ მიმართულებით კითხვის ნიშნების დასმის ობიექტური საფუძველი არ არსებობს".

მისივე თქმით, საქართველო შეუქცევადად აგრძელებს კურსს ევროკავშირში და ნატოში ინტეგრაციისთვის.

„ეს არის ჩვენი შეუქცევადი კურსი, რომელსაც, რა თქმა უნდა, ვერაფერი კითხვის ნიშნის ქვეშ ვერ დააყენებს. ამ ყველაფრის დასტურია ჩვენს მიერ გატარებული რეფორმები, რა თქმა უნდა, არის გამოწვევები, ამ მიმართულებით ჩვენ აქტიურად ვმუშაობთ ჩვენს სტრატეგიულ პარტნიორებთან და ის მონაპოვარი, რომელიც ნიშნავს ჩვენი მოქალაქეების უვიზოდ გადაადგილებას ევროკავშირში, ვაჭრობის საკითხების გაუმჯობესებას ევროკავშირთან, აშშ-სთან, ეს საკითხები არის და იქნება ჩვენი ყოველდღიური საზრუნავი, რომ კიდევ უფრო გავაუმჯობესოთ ეს მიმართულებები, შესაბამისად, არანაირი კითხვის ნიშნები არ შეიძლება გაჩნდეს, არ არსებობს ობიექტური საფუძველი კითხვის ნიშნების დასმის", - განაცხადა ანრი ოხანაშვილმა.

მისივე თქმით, საერთაშორისო პარტნიორების მხრიდან გაკეთებული კრიტიკული განცხადებები ოპოზიციის მიერ საზღვარგარეთ ჩატარებული კამპანიის შედეგია.

"ჩვენ ყველა ვხედავთ და თვალყურს ვადევნებთ, რომ ის ოპოზიციური ჯგუფები, რომლებსაც არ გააჩნიათ ჩვენი საზოგადოების მხარდაჭერა, თითქმის არ აქვთ რეიტინგი, წინასაარჩევნო კამპანიას ატარებენ საზღვარგარეთ. იქნება ეს სტრასბურგი თუ ვაშინგტონი. ისინი ცდილობენ შეცდომაში შეიყვანონ პარტნიორები და ჩვენ ყველაფერს ვაკეთებთ, რომ ზუსტი ინფორმაცია მივაწოდოთ მათ", - განაცხადა ანრი ოხანაშვილმა.

როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ქართული პრესის მიმოხილვა 18.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა