საქართველოს პრემიერ-მინისტრს გიორგი გახარიასა და თბილისის მერს კახა კალაძეს ბათუმში სასტუმრო "ჰილტონთან" არასამთავრობო ორგანიზაცია "ალტერნატივას" წევრები ტრანსფარანტებით დახვდნენ. მათი განცხადებით, ქვეყნის პირველ პირებთან შეკითხვები 20 ივნისის ღამესთან დაკავშირებით ჰქონდათ, თუმცა სამართალდამცავებმა მიახლოების საშუალება არ მისცეს.

აქციის მონაწილეები საქართველოს პრემიერ-მინისტრის გიორგი გახარიას თანამდებობიდან გადადგომას ითხოვენ.

„ჩვენ მოვედით იმისათვის, რომ გვახსოვს 20 ივნისის ღამე. გახარია საქართველოს პრემიერ-მინისტრი არ უნდა იყოს, მან ახალგაზრდებს თვალები დათხარა. ჩვენ ვიბრძვით გამარჯვებამდე“, - განაცხადა ჯუნა ბახტაძემ.

შეგახსენებთ, რომ სასტუმრო "ჰილტონში" ახალგაზრდული ფორუმი მიმდინარეობს, რომელსაც საქართველოს პრემოერ-მინისტრი გიორგი გახარია, თბილისის მერი, „ქართული ოცნების“ გენერალური მდივანი კახა კალაძე და აჭარის მთავრობის წევრები ესწრებოდნენ.