ირმა ინაშვილი სოციალურ ქსელში ipsos-ის მიერ გამოქვეყნებულ კვლევის შედეგებს ეხმაურება

პარლამენტის ვიცე-სპიკერი ირმა ინაშვილი სოციალურ ქსელში ipsos-ის მიერ გამოქვეყნებულ კვლევის შედეგებს ეხმაურება. ამის შესახებ „ინტერპრესნიუსს“ „პატრიოტთა ალიანსიდან" აცნობეს.

როგორც ირმა ინაშვილი წერს, ის აღნიშნული კვლევის შედეგებს არ ენდობა და თვლის, რომ მსგავსი „მატყუარა კომპანიები საზოგადოებას თვალში ნაცარს აყრის“.

„შეგახსენებთ, რომ ქუთაისში, ბათუმსა და რუსთავში 2016 წლის საპარლამენტო არჩევნებზე, 2017 წლის ადგილობრივი თვითმმართველობის არჩევნებზე, 2018 წლის საპრეზიდენტო არჩევნებზე ჯამში 185 000-ზე ნაკლები ადამიანი მივიდა. ჩვენ კი, ამ ქალაქებში 201400 ამომრჩეველი გამოვკითხეთ, ანუ უფრო მეტი, ვიდრე ჯამში მივიდა არჩევნებზე!

გაირკვა, რომ მხოლოდ 6,3% უჭერს მხარს სააკაშვილის პარტიას, 0,48% - ბოკერიას პარტიას, 0,2%- ნათელაშვილის პარტიას, ხოლო ყველა სხვა დანარჩენ, მათ ირგვლივ თავმოყრილ პარტიას (ერთად აღებულს) მხარს ამომრჩევლის მხოლოდ 1.3% უჭერს!

ამგვარად, ჯამში, სააკაშვილს, ბოკერიას და მათ ირგვლივ გაერთიანებულ კიდევ 30 პარტიას ამომრჩევლის 8,5%-ც კი არ უჭერს მხარს! მაშინ, როდესაც ჩვენ მათზე ხუთჯერ მეტი მხარდამჭერი გვყავს! საინტერესოა, რომ საპროტესტო აქციებსა და მიტინგებზე ეს 32 პარტია ჩვენზე 3-ჯერ, 4-ჯერ, 5-ჯერ ნაკლებ ადამიანს კრებს! ანუ ხალხი მათთან უბრალოდ არ მიდის! საინტერესოა, რომ ეს პარტიები ხალხთან სალაპარაკოდ ქუჩაშიც ვერ გადიან, რადგან ხალხი მათ უბრალოდ არ ელაპარაკება!

საინტერესოა, რომ ვერც კარდაკარ დადიან და ვერც რაიმე ტიპის გამოკითხვას აწარმოებენ, რადგან 1000 აქტივისტიც კი არ ჰყავთ, რომ ყველაზე მარტივი გამოკითხვა ჩაატარონ! სამაგიეროდ, დაუსრულებლად ქირაობენ სხვადასხვა მატყუარა კომპანიებს და თვალში ნაცარს გვაყრიან!

საინტერესოა, რომ პარლამენტის ოფიციალური საიტი parlament.ge, სატელეფონო მესიჯის სახით, დიდი ხალისითა და ენთუზიაზმით უგზავნის პარლამენტის 150 დეპუტატს ნაცმოძრაობის პარტიული, ცრუ კვლევის შედეგს, რომლის თანახმადაც, სააკაშვილ-ბოკერიას და მათთან დაკავშირებული პარტიები თითქოსდა უმრავლესობით იმარჯვებენ. ვაი, თქვენს პატრონს, მართლა. ახლა აიღეთ ეს კომენტარი და გაავრცელეთ პარლამენტის ოფიციალური საიტიდან”,- ნათქვამია განცხადებაში.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება