ოკუპირებული ე.წ. სამხრეთ ოსეთის შინაგან საქმეთა დე ფაქტო სამინისტროს ეკონომიკურ დანაშაულთან ბრძოლის სამმართველოს თანამშრომლებმა ცხინვალის აფთიაქიდან საქართველოს ხელისუფლების მიერ კონტროლირებული ტერიტორიიდან შეტანილი და „უკანონო ბრუნვაში“ არსებული სამედიცინო პრეპარატები ამოიღეს. ამის შესახებ დე ფაქტო უწყებაზე დაყრდნობით სააგენტო „რესი“ იუწყება.
„სხვადასხვა დასახელების წამლები ოპერატიული სამსახურის წარმომადგენლებმა სარეიდო ღონისძიებების დროს დედაქალაქის ერთ-ერთი აფთიაქიდან ამოიღეს. 44 წლის ინდმეწარმესთან მიმართებაში აღიძრა საქმე ადმინისტრაციულ დანაშაულთან დაკავშირებით“ ,- ნათქვამია ე.წ. შსს-ს პრესსამსახურის ინფორმაციაში.