ეს არის პიარული სტატია, მე ამ განცხადების გულწრფელობაში ეჭვი მეპარება, - ამის შესახებ პოლიტიკური გაერთიანება „ლელო საქართველოსთვის“ ერთ-ერთმა ლიდერმა ბადრი ჯაფარიძემ ჟურნალისტებთან განაცხადა, რითაც ის პრემიერ-მინისტრის გიორგი გახარიას The Washington Times-ში გამოქვენებულ სტატიას გამოეხმაურა.

ბადრი ჯაფარიძე ამბობს, რომ პრემიერის სიტყვების უკან რეალური ქმედებები არ დგას.

„იმ სასამართლოთი, იმ პროკურატურით, იმ ინსტიტუციონალური ნგრევით, რასაც ადგილი აქვს საქართველოში, ნატო-ში მისწრაფებას და ჩვენს ოცნებას ნატო- ში გაწევრიანების თაობაზე ვერ ავიხდენთ. აქედან გამომდინარე, ეს არის ჩემი აზრით, პიარული სტატია, რომლის უკან რეალური საქმე არ დგას. ჩვენ "ლელო საქართველოსთვის" პირველ პრიორიტეტად მივიჩნევთ საქართველოს შესვლას ნატო-ში, ევროკავშირში, რადგან ეს არის ჩვენი ქვეყნის უსაფთხოების გარანტია,"- აცხადებს ბადრი ჯაფარიძე.

„მეტი საქართველო ნატოში და მეტი ნატო საქართველოში გააძლიერებს შავი ზღვის და დასავლეთის უსაფრთხოებას, ასევე საქართველოს დემოკრატიას და მზარდ ეკონომიკას“, - ამის შესახებ საქართველოს პრემიერ-მინისტრი გიორგი გახარია ცნობილ ამერიკულ გამოცემა The Washington Times-ში გამოქვეყნებულ სტატიაში აღნიშნავს, რომლის სათაურია - „საქართველო იმსახურებს ნატო-ს წევრობას - ქვეყანას სასიცოცხლო მნიშვნელობა აქვს შავი ზღვის გეოპოლიტიკური უსაფრთხოებისთვის“.