პროკურატურა ბორჯომის საკრებულოს თავმჯდომარისა და მერის მიმართ აღკვეთის ღონისძიების სახით პატიმრობას ითხოვს

ქრთამის აღების საქმეზე დაკავებული ბორჯომის საკრებულოს თავმჯდომარისა და ბორჯომის მერის მიმართ პროკურატურა აღკვეთის ღონისძიების სახით პატიმრობას ითხოვს.

როგორც საქმის პროკურორმა ბექა ეჟიშვილმა ჟურნალისტებთან სასამართლო პროცესის დაწყებამდე განაცხადა, პროკურატურა პატიმრობის შეფარდებას მოითხოვს ასევე მათთან ერთად დაკავებული მოქალაქის მიმართ, რომელსაც გამოძიება მძიმე დანაშაულის შეუტყობინებლობას ედავება.

"მოგეხსენებათ, განსხვავებული ეპიზოდებია და სხვადასხვა სისხლის სამართლის საქმეა. ყველა დაკავებულის მიმართ აღკვეთის ღონისძიების სახით ვითხოვთ პატიმრობას. მიგვაჩნია, რომ არსებობს დასაბუთებული ვარაუდის სტანდარტი, არსებობს ამის რეალური ვარაუდი და საფუძვლები. გიორგი გოგიჩაიშვილის ეპიზოდში რეგულირების განაშენიანების გეგმა იყო წარდგენილი. მის დამტკიცებაში, ასევე შემდგომში მშენებლობის ნებართვის მოპოვებაში დახმარების სანაცვლოდ მოითხოვა 200000 ლარი, საიდანაც წინასწარ აიღო 20 000 ლარი.

რაც შეეხება ლევან ლიპარტიას, მან აღუთქვა დახმარება, რომ დაფარავდა უკანონო მშენებლობას. 3 კოტეჯზეა საუბარი, კონკრეტულ მიწის ნაკვეთზე დაბა ბაკურიანში და ამისთვის აიღო 8 000 ლარი, ორ ეპიზოდად.

მესამე პირს რაც შეეხება, მას ერთ საქმესთან აქვს შეხება, რომელიც არის მერთან დაკავშირებული",- განაცხადა პროკურორმა.

მისივე ინფორმაციით, სამივე პირი იყენებს დუმილის უფლებას, ხოლო გამოძიების ფარგლებში მიმდინარეობს მოწმეთა გამოკითხვა.

თბილისის საქალაქო სასამართლოში ამ წუთებში ბორჯომის საკრებულოს თავმჯდომარის სასამართლო პროცესი მიმდინარეობს. დღესვე, ჩანიშნულია ბორჯომის მერის სასამართლო სხდომაც, რომელზეც სასამართლო მათი აღკვეთის ღონისძიების შეფარდების საკითხს განიხილავს.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა