ოკუპირებული ცხინვალის დე ფაქტო უშიშროების კომიტეტის ინფორმაციით, მიღებულია გადაწყვეტილება, რომ მათ მიერ კონტროლირებად ტერიტორიაზე გამშვებ პუნქტ „რაზდახანის“ გავლით შეუშვას ე.წ. სამხრეთ ოსეთის მოქალაქეები, რომლებიც ე.წ. საზღვრის დაკეტვის შემდეგ, საქართველოს ხელისუფლების მიერ კონტროლირებად ტერიტორიაზე დარჩნენ.
მათივე ცნობით, საქართველოში არსებული კორონავირუსის ფაქტების გამო, ამ ადამიანების შეშვება ახალგორში დადგენილი წესით, სიების მეშვეობით მოხდება.
ამასთან დე ფაქტო უწყების ინფორმაციით, ასეთ პირებს 14 დღიან საკარანტინო ზონაში მოათავსებენ. კარანტინის ზონაში იმ პირებსაც მოათავსებენ, რომლებიც დაკავებულები არიან ე.წ. საზღვარზე.
27 თებერვალს, ოკუპირებული ცხინვალის დე ფაქტო ხელისუფლების გადაწყვეტილებით, ე.წ. სამხრეთ ოსეთის ტერიტორიაზე შესასვლელი ყველა პუნქტი დაიხურა.