ქართული პრესის მიმოხილვა 03.03.2020

შეიზღუდება თუ არა მოსახლეობის გადაადგილება - "თუ დაიწყებს აღმავლობას, შეიძლება მოსახლეობას სახლში დარჩენისკენ მოუწოდონ"

რა შემთხვევაში დაეხმარება ნატო თურქეთს - "სირიის ბედი 5 მარტს ერდოღანისა და პუტინის შეხვედრაზე გადაწყდება"

***

შეიზღუდება თუ არა მოსახლეობის გადაადგილება - "თუ დაიწყებს აღმავლობას, შეიძლება მოსახლეობას სახლში დარჩენისკენ მოუწოდონ"

"კორონავირუსის პრევენციის მიზნით მართალია ამ დროისთვის რაიმე კონკრეტული შეზღუდვები არ არსებობს, თუმცა, ექიმ-ინფექციონისტი მაია ბუწაშვილი არ გამორიცხავს, რომ უახლოეს პერიოდში ამის აუცილებლობა დადგეს და საჭირო გახდეს გარკვეული რეკომენდაციების გაცემა. როგორიც არის მაგალითად, ქუჩაში გადაადგილების შეზღუდვა და გარკვეული ღონისძიებების გაუქმება. კონკრეტული ზომების მიღება შესაძლოა განაპირობოს იმ ფაქტმა, რომ ახალი კორონავირუსით დაინფიცირებულთა რიცხვმა მოიმატოს. დაავადებათა კონტროლის ეროვნული ცენტრის ხელმძღვანელი ამირან გამყრელიძე რაოდენობის გაზრდის შესახებ საზოგადოებას აფრთხილებს და სიმშვიდის შენარჩუნებისკენ მოუწოდებს”, - წერს გაზეთი "რეზონანსი“ სტატიაში სათაურით, შეიზღუდება თუ არა მოსახლეობის გადაადგილება - "თუ დაიწყებს აღმავლობას, შეიძლება მოსახლეობას სახლში დარჩენისკენ მოუწოდონ“

"ამის საჭიროება დადგება მაშინ, როდესაც ქვეყნის შიგნით გადაცემაზე აღმავლობა იქნება ადამიანიდან ადამიანზე, თუმცა, ჯერჯერობით ეს რეკომენდაციები არ ვრცელდება. ისე შეიძლება ამის საჭიროება დადგეს," - უთხრა "რეზონანსს" მაია ბუწაშვილმა. საქართველოში ახალი კორონავირუსის მესამე შემთხვევა 29 თებერვალს დადასტურდა. ამირან გამყრელიძის ინფორმაციით, ვირუსი საქართველოს მოქალაქეს დაუფიქსირდა, რომელიც ირანში იმყოფებოდა. ამის ფონზე, კორონავირუსის გამო, სკოლებსა და საბავშვო ბაღებში 2 მარტიდან საგაზაფხულო არდადეგები დაიწყო, რაც 16 მარტამდე გაგრძელდება. მთავრობის მიერ მიღებული გადაწყვეტილებით, პროფილაქტიკის მიზნით, არდადეგების პერიოდში, მთელი საქართველოს მასშტაბით, სკოლებსა და ბაგა-ბაღებში დამატებითი სადეზინფექიო სამუშაოები ჩატარდება”, - აღნიშნავს გამოცემა.

"თანაც, უწყებათაშორისი საკოორდინაციო საბჭოს სხდომაზე მიღებული გადაწყვეტილებით, გაძლიერდება სადეზინფექციო სამუშაოები საზოგადოებრივ ტრანსპორტში და საბავშვო ბაღებში," - ნათქვამია კორონავირუსთან დაკავშირებით მოქმედი უწყებათაშორისი საკოორდინაციო საბჭოს განცხადებაში. რაც შეეხება საქართველოს საპატრიარქოს, კორონავირუსის პრევენციის მიზნით ამ დროისთვის რაიმე კონკრეტული მიმართვა თუ რეკომენდაცია მრევლისთვის არ აქვს. ინფექციური საავადმყოფოს გენერალური დირექტორის, თენგიზ ცერცვაძის თქმით, ის რეკომენდაციას ზიარების დროს ერთჯერად კოვზებს გაუწევდა. „სამივე შემთხვევა არის შემოტანილი. თუ დაიწყებს აღმავლობას ქვეყნის შიგნით ადამიანიდან ადამიანზე გადაცემის შემთხვევები, დაავადებათა კონტროლის ცენტრმა შეიძლება უფრო მკაცრი რეკომენდაციები გასცეს და მოსახლეობას მოუწოდოს სახლში დარჩენისკენ, მთლიანად გაუქმდეს საზოგადოებრივი თავშეყრის ღონისძიებები, თუმცა, ჯერჯერობით ამის აუცილებლობა არ დამდგარა. "მაღალი ალბათობით რაოდენობა გაიზრდება, რადგან ეს გარდაუვალია. პრაქტიკულად, შიდა აღმავლობა მსოფლიოს უმრავლესობას აქვს," - თქვა "რეზონანსთან" საუბრისას მაია ბუწაშვილმა”, - განაგრძობს გამოცემა.

"ცნობისათვის, ახალი კორონავირუსის პირველი შემთხვევა 26 თებერვალს დადასტურდა. ვირუსი დაუდგინდა საქართველოს მოქალაქეს, რომელიც ირანიდან აზერბაიჯანის გავლით შემოვიდა. გამყრელიძის თქმით, იგი კლინიკურად ჯანმრთელია. მეორე შემთხვევა უკვე 28 თებევრალს დადასტურდა. გამყრელიძის ინფორმაციითვე, ისიც საქართველოს მოქალაქეა, რომელსაც ვირუსის სიმპტომების გამოვლენა საქართველოში ჩამოსვლის მეორე დღეს დაეწყო”, - წერს სტატიის ავტორი.

რა შემთხვევაში დაეხმარება ნატო თურქეთს - "სირიის ბედი 5 მარტს ერდოღანისა და პუტინის შეხვედრაზე გადაწყდება"

"ვინა არის მტყვანი და ვინ მართალი, რთულია გაერკვე, იფორმაციები იმდენად ურთიერთსაწინააღმდეგო და კონტრასტულია, რომ მაგალითად დასავლეთ ევროპული და ამერიკული მედიასაშუალებები ამაზე საერთოდ გაჩუმებულები არიან, ისინი ამ სიტუაციაზე საკუთარ ინფორმაციულ ველებს ვერ აყალიბებენ"-ასე აფასებს "რეზონასთან"ექსპერტი უსაფრთხოების საკითხებში ვახტანგ მაისაია, სირიაში მიმდინარე მოვლენებს”, - წერს გაზეთი "რეზონანსი“ სტატიაში სათაურით, რა შემთხვევაში დაეხმარება ნატო თურქეთს - “სირიის ბედი 5 მარტს ერდოღანისა და პუტინის შეხვედრაზე გადაწყდება”

"მისივე თქმით, სირიაში სიტუაცია საკმაოდ დაძაბულია, სადაც კლასიკური ჰიბრიდულ-რეგიონალური ომის ნიშნები იკვეთება. "სირიაში სიტუაცია საკმაოდ რთულია, მიდის კლასიკური ჰიბრიდულ-რეგიონალური ომი, რომელშიც სამი ქვეყნის (რუსეთი, თურქეთი, ირანი) შეიარაღებული ძალები და ასევე ასადის რეჟიმის წარმომადგენლები არიან ჩართული, ამასთანავე საინფორმაციო ფსიქოლოგიური ომიც მიმდინარეობს. სამივე მხარის საინფორმაციო საშუალებები რადიკალურად განსხვავებულ ინფორმაციებს ავრცელებენ და ვინაა მტყვანი და ვინ მართალი, რთულია გაერკვე, იფორმაციები იმდენად ურთიერთსაწინააღმდეგო და კონტრასტულია, რომ, მაგალითად, დასავლეთ ევროპული და ამერიკული მედიასაშუალებები ამაზე საერთოდ გაჩუმებულები არიან, ისინი ამ სიტუაციაზე საკუთარ ინფორმაციულ ველებს ვერ აყალიბებენ”, - აღნიშნავს გამოცემა.

"იდლიბის პროვინციაში სისხლისმღრვრელი ბრძოლები მიმდინარეობს, თურქები ყველანაირად ცდილობენ, რომ ამ პროვინციაში ფეხი მოიკიდონ და ცდილობენ პოზიციები გააფართოვონ. იყო ინფორმაცია იმის თაობაზეც, რომ დამასკოში ასადის რეჟიმის შიგნით სიტუაცია საკმაოდ დაიძაბა, სირიის ბედი რეალურად 5 მარტის ერდოღანისა და პუტინის შეხვედრისას სოჭში გადაწყდება, შესაძლოა ამ შეხვედრას მერკელი და მაკრონიც დაესწრონ. ნატო იმიტომ არ ერთვება, რომ ეს მისი საქმე ნამდვილად არაა, რომ თურქეთს სირიაში ჩაერიოს, თუკი თურქეთის ტერიტორიაზე მესამე მხრიდან შემოჭრა, დაბომბვა, რაიმე მსხვერპლი იქნება და თურქეთის ტერიტორიული მთლიანობის ხელყოფა მოხდება, მეხუთე მუხლით გათვალისწინებული ვალდებულება მაშინ ამოქმედდება. რუსეთი ცდილობს, რომ სირიაში მაინცდამაინც არ ჩაერიოს, რუსეთი მხოლოდ შეზღუდული კუთხით აჩვენებს სამხედრო ავიაციას და ე.წ. სამხედრო დემონსტრირებას ახდენს და ამით ცდილობს, რომ თურქების შემოჭრა მათი გავლენის საჰაერო სივრცეში არ დაუშვას, თორემ რეალურად რუსეთი ასადის რეჟიმს რეალურ დახმარებას შეზღუდული საშუალებებით უწევს" - განაცხადა მან”, - განაგრძობს გამოცემა.

"ყველაზე ცუდი სცენარი ის იქნება, რომ რეგიონალური ჰიბრიდული ომი გადავიდეს რეგიონალურ-კონვენციურ ომში, შესაძლოა თურქეთმა ასადის რეჟიმს ომი გამოუცხადოს, სადაც უკვე განზე ვერც რუსეთი და ვერც ირანი ვერ დადგებიან, რუსეთის მიერ თურქეთისთვის ომის გამოცხადება ნიშნავს იმას, რომ რუსეთმა თურქების წინააღმდეგ ტაქტიკური ბირთვული იარაღი უნდა გამოიყენოს და ეს უკვე ნატოს და რუსეთის ომის პირდაპირი პრელუდიაა. ერდოღანმა საკუთარი თავი ჩიხში შეიყვანა, სხვა გამოსავალი არ აქვს, როგორც ჩანს თავისი ძალები ვერ გათვალა, მან თუ ახლა საკმაოდ მედგრად არ იმოქმედა, ქვეყნის შიგნით საკამოდ რთული სიტუაცია შეექმნება და შესაძლოა სკუთარი არმიაც კი გადაუდგეს. ედოღანს ქვეყნის შიგნით მოსახლეობის 50%-ზე მეტი მხარს არ უჭერს, მას საკმაოდ სერიოზული ოპოზიცია ჰყავს, „თეთრი თურქების" სახით და ალი ბაბაჯანის დაჯგუფება, მანამდე მას დავითოღლუ გაექცა და პარტიის შიგნითაც მყარი პოზიცია არა აქვს, თუ მან სირიაში ფიასკო განიცადა, ჩათვალეთ, რომ ერდოღანის დღეები დათვლილია" - განაცხადა მაისაიამ. შეგახსენებთ, რომ თურქეთის თავდაცვის მინისტრმა ხულუსი აქარმა განაცხადა, რომ ამჯერად მისმა ქვეყანამ სირიის ჩრდილო-დასავლეთში სამხედრო ოპერაცია „გაზაფხულის ფარის" განხორციელება დაიწყო”, - წერს სტატიის ავტორი.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა