ოკუპირებული აფხაზეთის შს მინისტრი - ასლან ბჟანია მძიმე მდგომარეობაში იყო ჰოსპიტალიზებული, მისი კრასნოდარის კლინიკაში გადაყვანის საკითხი წყდება

ოკუპირებული აფხაზეთის ე.წ. პრეზიდენტობის მოვალეობის შემსრულებელმა ვალერი ბგანბამ დე ფაქტო ჯანდაცვის მინისტრ თამაზ ცახნაკიას დავალება მისცა რუს კოლეგებთან ინტენსიურ კავშირზე იყოს ასლან ბჟანიას ჯანმრთელობის მდგომარეობასთან დაკავშირებით.

ამასთან, როგორც აფხაზეთის ე.წ. შინაგან საქმეთა მინისტრმა აფხაზურ მედიას განუცხადა, „გენერალური პროკურორი“ დაიწყებს გამოძიებას, რომ დადგინდეს ასლან ბჟანიას საგანგებო ჰოსპიტალიზაციის გარემოებები.

„ახლა გენერალური პროკურორი ცდილობს დაუკავშირდეს ბჟანიას შტაბს... ყველა შეშფოთებულია მისი ჯანმრთელობის მდგომარეობის გამო და გვინდა, რომ ის მალე გამოჯანმრთელდეს. ამ დროისთვის, მხოლოდ ის არის ცნობილი, რომ ის მძიმე მდგომარეობაში იყო ჰოსპიტალიზებული. ახლა წყდება მისი კრასნოდარის კლინიკაში ვერტმფრენით გადაყვანის საკითხი. ამასთან, პრეზიდენტის მოვალეობის შემსრულებელს უკვე დაუკავშირდა თურქეთის აფხაზური დიასპორა. მათ დახმარება შემოგვთავაზეს, რომ გადაგვეყვანა ბჟანია თურქეთის კლინიკაში. ეს შეუძლებელია მისი ჯანმრთლეობის გამო“,-განახადა ე.წ. შს მინისტრმა რაულ სმირმა.

შეგახსენებთ, გუშინ, ოკუპირებული აფხაზეთის ერთ-ერთი ე.წ. საპრეზიდენტო კანდიდატი, ასლან ბჟანია მოწამვლის ნიშნებით სოჭის საავადმყოფოში გადაიყვანეს. აფხაზეთის ე.წ. არჩევნები, რომელშიც მას მონაწილეობა უნდა მიეღო 22 მარტსაა დანიშნული.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)