გიორგი ვაშაძე ხელისუფლებას - გონს მოეგეთ და ჩვენი ამერიკელი პარტნიორების განცხადებებს ადეკვატურად უპასუხეთ

საქართველოს პარლამენტის თავმჯდომარის არჩილ თალაკვაძის კომენტარს, რომელიც მან კონგრესმენის განცხადებასთან დაკავშირებით გააკეთა „ახალი საქართველოს“ თავმჯდომარე გიორგი ვაშაძე ეხმაურება და თალაკვაძეს მოუწოდებს, გონს მოეგოს და ადეკვატურად უპასუხოს ამერიკელი პარტნიორების განცხადებებს.

გიორგი ვაშაძე პრიორიტეტად კი საზოგადოების შეკითხვებს ასახელებს, რომლებიც „მისივე უსუსური ხელისუფლების ყურებით დაიღალა“.

“ აუცილებლად ჩავთვალე გამოვხმაურებოდი პარლამენტის თავმჯდომარის არჩილ თალაკვაძის ბრალდებას. უკვე მერამდენედ ჩანს, რომ „ქართული ოცნების“ ერთადერთი მიზანია ოპოზიციის ერთიანობის დარღვევა. ამისთვის რას არ აკეთებენ, მაგრამ ეს არ გამოსდით არანაირად. ყოფენ ნოლ პროცენტიანებად და ბევრპროცენტიანებად, „ნაციონალებად“ და არანაციონალებად, ათასნაირ ასეთ ფორმულირებებს იგონებენ, მაგრამ ეს კოვზი უკვე ნაცარშია ჩაგდებული, იმიტომ, რომ ბევრჯერ ერთი და იგივეს აკეთებენ. მეგობრებო, თუ 0% –იანი ოპოზიცია, თუ არანაირი ძალა არ გვაქვს, მაშინ, რატომ გეშინიათ პროპორციული არჩევნების, დანიშნეთ პროპორციული არჩევნები და თუ თქვენ ამხელა მხარდაჭერა გაქვთ შეგიძლიათ ნორმალურ არჩევნებში მოიგოთ, მაგრამ სწორედ იმიტომ, რომ იცით თქვენი ყოველდღიური კამპანია და აქტივობა საზოგადოების მხრიდან მხარდაჭერას გაკლებთ, ცდილობთ მაქინაციები ჩაატაროთ, ხალხი ციფრების თამაშში შეიყვანოთ, ახლა იქამდე მიხვედით, რომ თურმე „ამერიკის ხმამ“ არ იცის ინგლისური და მარტო თქვენ იცით ინგლისური. სადამდე უნდა დაეცეთ, რამდენჯერ უნდა სცადოთ ეს ყველაფერი. ვიცოდით, რომ ამ განცხადებებს გააკეთებდით. აბსოლიტურად მწყობრად, გეგმაზომიერად, აუცილებლად ჩვენი სტრატეგიის მიხედვით ვიმოქმედებთ და საერთო ოპოზიციური თანამშრომლობის ფორმატს ვერაფრით ვერ დაშლით. სწორედ ამიტომ გვქონდა კიდევ ერთი შეხვედრა გუშინ, სწორედ ამიტომ ამ შეხვედრაზე ყველა ოპოზიციური პარტია შევთანხმდით, რომ თანამშრომლობა სხვადასხვა საკითხებთან მიმართებაში არამარტო საარჩევნო სისტემაზე გადამწყვეტი მნიშვნელობა აქვს“,-განაცხადა ვაშაძემ.

ვაშაძემ ასევე სასამართლო ხელისუფლებასთან და რეფორმასთან დაკავშირებით თანამშრომლობითი დოკუმენტის შექმნა დააანონსა.

„უახლოეს მომავალში ჩვენ სასამართლო ხელისუფლებასთან და რეფორმასთან დაკავშირებით ხელს მოვაწერთ თანამშრომლობით დოკუმენტს, იმიტომ რომ სახელმწიფოს და ქვეყნის განვითარებაზე ვფიქრობთ, თქვენ კი სკამებზე. არჩილ თალაკვაძის ერთადერთ საფიქრალია ისევ ქონება, ოქტომბრის შემდეგ, მე პირობას ვაძლევ, რომ თალაკვაძე პარლამენტის თავმჯდომარე არ იქნება. მოუწევთ ოპოზიციაში გადასვლა, ამ ყველაფრის ნუ გეშინიათ და თქვენგან განსხვავებით ჩვენ პოლიტიკურ დევნას არ დავიწყებთ. აქედან გამომდინარე გონს მოეგეთ და სჯობს ლოგიკური და ადეკვატური წინადადებები წარმოადგინოთ. რითაც ახლა მოჟორიტარული ოლქების ჭრა–კერვით ხართ დაკავებულები არც ერთი ოპოზიციური პარტია არ დაეთანხმება არც ერთ შემთხვევაში, ამიტომ გონს მოეგეთ და ადეკვატურად უპასუხეთ ჩვენი ამერიკელი პარტნიორების განცხადებებს და რაც მთავარია საზოგადოებას ადეკვატურად უპასუხეთ, ხალხს, რომლებიც ასეთი უსუსურ ხელისუფლების ყურებით დაიღალა“, - აცხადებს გიორგი ვაშაძე, რომლის კომენტარსაც პარტია „ახალი საქართველოს“ პრესსამსახური ავრცელებს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო