მიხეილ კალანდიას ადვოკატმა მოსამართლე ნიკოლოზ მარსაგიშვილის წინააღმდეგ დისციპლინური დევნის დაწყების მოთხოვნით, იუსტიციის საბჭოს დამოუკიდებელ ინსპექტორს მიმართა

დავით სარალიძის განზრახ ჯგუფურად მკვლელობაში მსჯავრდებული მიხეილ კალანდიას ადვოკატმა, ზურაბ თოდუამ მოსამართლე ნიკოლოზ მარსაგიშვილის წინააღმდეგ დისციპლინური დევნის დაწყების მოთხოვნით იუსტიციის უმაღლესი საბჭოს დამოუკიდებელ ინსპექტორს მიმართა.

როგორც „ინტერპრესნიუსს“ ზურაბ თოდუამ განუცხადა, გააჩნია შესაბამისი ვიდეომტკიცებულება, სადაც ჩანს, რომ მოსამართლე ნიკოლოზ მარსაგიშვილი, რომელიც ხორავას ქუჩაზე მოზარდებს შორის მომხდარი მომხდარი მკვლელობის საქმეს განიხილავდა, სასამართლო სხდომის მიმდინარეობას არ უსმენს და მობილურ ტელეფონში „სოციალური ქსელით ერთობა“.

„გამაჩნია ვიდეოკადრები, როდესაც მოსამართლე, ფაქტობრივად, არ უსმენს სასამართლო სხდომას, არ უსმენს მოწმეებს, ექსპერტებს, პროკურორსა და ადვოკატს და ერთობა სოციალური ქსელით „ფეისბუქით“. მაქვს ჩანაწერი, სადაც ერთ სხდომაზე 12 წუთი დახარჯა მოსამართლემ გართობისთვის. დანარჩენი სხდომის ოქმები (ვიდეო-კადრები) არ მომცეს. ჩატარებულია 44 სხდომა, საშუალო არითმეტიკულით რომ გამოვიანგარიშოთ, გამოდის, რომ 8 საათისა და 8 წუთის განმავლობაში მოსამართლე გასული იყო მომსახურების სფეროდან და ერთობოდა სოციალური ქსელით, ნაცვლად იმისა, რომ მოესმინა სასამართლო პროცესზე განვითარებული მოვლენებისათვის და ამის შემდეგ მიეღო გადაწყვეტილება. თუმცა, ეს მას არ სჭირდებოდა, რადგანაც იცოდა, რომ წინასწარ უნდა მოეტანათ გამზადებული განაჩენი და მოეწერა ხელი“, - განაცხადა ზურაბ თოდუამ.

მისივე თქმით, იმ შემთხვევაში, თუ მისი „უტყუარი მტკიცებულების საფუძველზე იუსტიციის უმაღლესი საბჭოს დამოუკიდებელი ინსპექტორი არ დააკმაყოფილებს საჩივარს, ეს იქნება ქართული სასამართლოსთვის კიდევ ერთი კატასტროფა“.

„მე არ გამიჭირდება დავარწმუნო ევროპელი მოსამართლეები იმაში, რომ სასამართლო სხდომაზე მოსამართლე, პირდაპირი გაგებით, ერთობა.

მაგალითად, ყველაზე სერიოზული ექსპერტის დაკითხვის დროს, რომელსაც ჭრილობის მიყენების ეპიზოდზე ვკითხავდით, მოსამართლე 3 წუთისა და 15 წამის განმავლობაში ექსპერტს არ უსმენს. ეს რა არის, შემდეგ რა დასკვნა გააკეთა?! არანაირი“, - განაცხადა ზურაბ თოდუამ.

ცნობისთვის, ნიკოლოზ მარსაგიშვილი თბილისის საქალაქო სასამართლოს თავმჯდომარეა.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა