რუსეთის საგარეო უწყება ასლან ბჟანიას ჯანმრთელობის მდგომარეობისა და „არჩევნების“ თაობაზე განცხადებას ავრცელებს

რუსეთის საგარეო საქმეთა სამინისტრო ყურადღებით აკვირდება ოკუპირებულ აფხაზეთში შიდაპოლიტიკური მოვლენების განვითარებას, მათ შორის 22 მარტის „არჩევნების“ კონტექსტში და ე.წ. საპრეზიდენტო არჩევნების ყველა მონაწილეს მოუწოდებს, სამართლებრივ ველში იმოქმედონ დემოკრატიული პროცედურების დაცვით და თავი აარიდონ ემოციებს. ამის შესახებ შესაბამისი კომენტარი საგარეო უწყების ინფორმაციისა და პრესის დეპარტამენტის ვებგვერდზეა განთავსებული.

"რუსეთი დაინტერესებულია სტაბილურობასა და უსაფრთხოებაში მეგობარ აფხაზეთში, კვლავ ემხრობა მრავალმხრივი ურთიერთობების გამყარებას, განაგრძობს რესპუბლიკისთვის მასშტაბურ თანადგომას“, - ნათქვამია განცხადებაში.

ამავე განცხადებაში, რუსეთის საგარეო უწყება ერთ-ერთ „საპრეზიდენტო“ კანდიდატის ჯანმრთელობის საკითხსაც ეხება და წერს:

„ასლან ბჟანიას გამეორებით ავადმყოფობასთან დაკავშირებით ვიუწყებით, რომ რუსი ექიმები კრასნოდარში, სადაც ბჟანიაა მოთავსებული, ყველა საჭირო დახმარებას უწევენ. ოფიციალური მონაცემები მისი ავადმყოფობის მიზეზებთან დაკავშირებით, მიეწოდა აფხაზ პარტნიორებს“, - ნათქვამია რუსეთის საგარეო უწყების განცხადებაში.

ცნობისთვის, ოკუპირებული აფხაზეთის ე.წ. პრეზიდენტობის კანდიდატი, 2 მარტს მოწამვლის ნიშნებით სოჭის საავადმყოფოში მოათავსეს. გუშინ, დე ფაქტო ჯანდაცვის სამინისტროში განაცხადეს, რომ ასლან ბჟანია, ორმხრივი პოლისეგმენტური პნევმონია აქვს.

ამასთან, დღეს ე.წ საპრეზიდენტო კანდიდატთან დაკავშირებით ინფორმაცია გაავრცელა მისი შტაბის წარმომადგენელმა, რომლის თანახმადაც ასლან ბჟანიას მდგომარეობა უმჯობესდება.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება