ოკუპირებული აფხაზეთის დე ფაქტო პარლამენტის სპიკერის ვალერი კვარჩიას განცხადებით, არ არსებობს იმის საფუძველი, რომ „საპრეზიდენტო არჩევნები“ გადავადდეს.
„ნებისმიერი კანდიდატი ვალდებულია იცოდეს იმ ქვეყნის საარჩევნო კანონი, რომელ ქვეყანაშიც იყრის კენჭს. ლეონიდ ძაპშბას აფხაზეთის კანონები რომ სცოდნოდა, ის მსგავსს არაფერს იტყოდა. დღეისთვის, კანონის თანახმად, იმის საფუძველი არ არსებობს, რომ არჩევნების დღემ გადაიწიოს“, - განაცხადა კვარჩიამ.
ე.წ. საპრეზიდენტო კანდიდატმა ლეონიდ ძაპშბა გამოვიდა ინიციატივით, რომ კიდევ ერთი კანდიდატის ასლან ბჟანიას ჯანმრთელობის გამო, არჩევნები ერთი თვით გადავადდეს. ასლან ბჟანია ჯანმრთელობის მძიმე მდგომარეობით ჯერ სოჭის, შემდეგ კი კრასნოდარის საავადმყოფოში გადაიყვანეს.