რომან გოცირიძე მიიჩნევს, რომ კორონავირუსის გავრცელების გამო ტურიზმის სექტორს პრობლემები შეექმნა, რის გამოც ხელისუფლებამ რამდენიმე რეკომენდაცია უნდა გაითვალისწინოს

ფრაქცია „ერთიანი ნაციონალური მოძრაობის“ თავმჯდომარის რომან გოცირიძის განცხადებით, მსოფლიოში კორონავირუსის გავრცელების შედეგად საქართველოს ეკონომიკას, კერძოდ კი ტურიზმის სექტორს პრობლემები შეექმნა.

როგორც მან დღეს გამართულ ბრიფინგზე აღნიშნა, აუცილებელია გარკვეული ზომების მიღება.

“ჯერჯერობით ძნელია იმის პროგნოზირება, თუ როგორ შეიძლება განვითარდეს პროცესები. ფაქტია, რომ დღეისათვის უკვე სახეზეა სერიოზული პრობლემები, რომელსაც განიცდიან ტურიზმის სფეროში დასაქმებული ორგანიზაციები, კომპანიები, სასტუმროები და მათთან დაკავშირებული ბიზნესსუბიექტები. შექმნილი ვითარებიდან გამომდინარე, კრიზისის გაღრმავების თავიდან ასაცილებლად აუცილებელია შემდეგი გადაუდებელი ზომების გატარება: გამოცხადდეს მორატორიუმი ტურიზმის სექტორში მიმდინარე წელს საშემოსავლო და ქონების გადასახადის გადახდაზე და მოხდეს მათი გადანაწილება 2021 წელზე; 100 ათასი ლარიდან 165 ათას ლარამდე გაიზარდოს დღგ-თი დასაბეგრი ბრუნვის წლიური ჯამური თანხის ზედა ზღვარი; მცირე ბიზნესის სტატუსის მქონე სუბიექტები, რომელთა წლიური ბრუნვა არ აღემატება 500 ათას ლარს 2020 წლის განმავლობაში დაიბეგრონ 0 %-ით; მოხდეს 2020 წლის ბიუჯეტის კორექტირება და შემცირდეს ნაერთი ბიუჯეტის ხარჯები, ზოგიერთი სახის გადასახადის გადახდის გადავადებისა და განაკვეთების ცვლილების გამო; ეთხოვოს საბანკო სისტემას კრიზისულ ვითარებაში მყოფი ტურისტული კომპანიების სესხების გადავადების შესახებ”, - განაცხადა გოცირიძემ.

მისივე თქმით, ხელისუფლებისთვის აღნიშნული რეკომენდაციები რთულად შესასრულებელი არ არის.

„ჩვენი რეკომენდაციები ძირითადად შეეხება მხოლოდ მორატორიუმს ანუ ამ ერთი წლის განმავლობაში გასატარებელ ზომებს. ეს არ უნდა იყოს მთავრობისთვის მძიმე შესასრულებელი და ეს არ უნდა იყოს საბაბი იმისა, რომ რაიმე სახის გამართლება მოუძებნონ ჩვენს ინიციატივებზე უარის თქმას“, - განაცხადა გოცირიძემ.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე