უკრაინის პრეზიდენტმა ვლადიმერ ზელენსკიმ ფრანგი კოლეგა ორ ფრონტზე თამაშში დაადანაშაულა. „გარდიანთან“ ინტერვიუში უკრაინის ლიდერმა განაცხადა, რომ ის შეშფოთებულია ემანუელ მაკრონის ძალისხმევით დაამყაროს უფრო მჭიდრო ურთიერთობები რუსეთთან.
მისი თქმით, მნიშვნელოვანია, რომ „ნორმანდიული ფორმატის“ დანარჩენმა ორმა ლიდერმა, ანგელა მერკელმა და ემანუელ მაკრონმა, რუსეთის პრეზიდენტზე ზეწოლა გააძლიერონ, რის პარალელურად მისი ფრანგი კოლეგა პუტინთან დაახლოებას ცდილობს.
„ორ ფრონტზე არ უნდა ითამაშო“,- აღნიშნა უკრაინის ლიდერმა.
ცნობისთვის, ამ დროისთვის „ნორმანდიული ოთხეულის“ სამიტის მორიგი შეხვედრა დანიშნული არ არის. რაც შეეხება დეკემბერში გამართულ სამიტს, ის უშედეგოდ დასრულდა.